മാഡം തുസാദ്സില്‍ ഇനി പ്രഭാസിന്റെ പ്രതിമയും
മാഡം തുസാദ്സില്‍ ഇനി പ്രഭാസിന്റെ പ്രതിമയും
അടുത്ത വര്‍ഷം മാര്‍ച്ചില്‍ പ്രതിമ സ്ഥാപിതമാകും
ലോകപ്രശസ്തമായ ബാങ്കോക്കിലെ മാഡം തൂസാദ്‌സ് മെഴുക് മ്യൂസിയത്തില്‍ ബാഹുബലി താരം പ്രഭാസും ഇടംപിടിച്ചു. ബാഹുബലിയുടെ സംവിധായകന്‍ എസ്.എസ് രാജമൗലി തന്നെയാണ് ഇക്കാര്യം ട്വിറ്റിറിലൂടെ സ്ഥിരീകരിച്ചത്. ഇക്കാലത്ത് ഒരു വാര്‍ത്ത മുടിവയ്ക്കുന്നത് അസാധ്യമാണ്. ആ ശുഭവാര്‍ത്ത താന്‍ ഇന്ന് തന്നെ വെളിപ്പെടുത്തുന്നുവെന്ന ആമുഖത്തോടെയാണ് ട്വീറ്റ്. അടുത്ത വര്‍ഷം മാര്‍ച്ചില്‍ പ്രതിമ സ്ഥാപിതമാകും.
മ്യൂസിയത്തില്‍ ഇടംപിടിക്കുന്ന ആദ്യ ദക്ഷിണേന്ത്യന്‍ താരമാണ് പ്രഭാസ്. ബാഹുബലിയില്‍ പ്രഭാസ് അഭിനയിച്ച അമരേന്ദ്ര ബാഹുബലി എന്ന കഥാപാത്രത്തിന്റെ ഗെറ്റപ്പിലാകും പ്രതിമ നിര്‍മ്മിക്കുകയെന്നും റിപ്പോര്‍ട്ടുകളുണ്ട്. 2015-ലാണ് ബ്രഹ്മാണ്ഡ ചിത്രമായ ബാഹുഹലി പുറത്തിറങ്ങിയത്. ഇതിന്റെ രണ്ടാം ഭാഗമായ ബാഹുബലി-2 2017 ഏപ്രില്‍ 28-നാണ് തിയറ്ററിലെത്തുക. ഇന്ത്യന്‍ താരങ്ങളായ അമിതാഭ് ബച്ചന്‍, ഷാരുഖ് ഖാന്‍, സല്‍മാന്‍ ഖാന്‍, ഐശ്വര്യ റായി, ഹൃത്വിക് റോഷന്‍, കരീന കപൂര്‍, മാധുരി ദീക്ഷിത്, കത്രീന കൈഫ് എന്നിവരുടെ മെഴുകു പ്രതിമകളും മ്യൂസിയത്തിലുണ്ട്.
Adjust Story Font
16
