കാത്തിരിക്കു, ട്രെയ്‌ലര്‍ ഉടന്‍ വരും; കമല്‍ഹാസന്റെ വിക്രം പുതിയ അപ്‌ഡേഷന്‍ ആഘോഷമാക്കി ആരാധകര്‍
ലോകേഷ് കനകരാജ് സംവിധാനം ചെയ്യുന്ന ചിത്രത്തിന് അനിരുദ്ധ് രവിചന്ദറാണ് സംഗീതം നല്‍കിയിരിക്കുന്നത്
സിനിമ പ്രേമികള്‍ ഏറെ ആവേശത്തോടെ കാത്തിരിക്കുന്ന ചിത്രമാണ് വിക്രം. കമല്‍ഹാസനെ നായകനാക്കി ലോകേഷ് സംവിധാനം ചെയ്യുന്നു, വിജയ് സേതുപതിയും ഫഹദും ചിത്രത്തില്‍ പ്രധാന വേഷത്തില്‍ എത്തുന്നു. തുടങ്ങി നിരവധി പ്രത്യേകതകളാണ് ചിത്രത്തിനുള്ളത്.
സിനിമയുടെ റിലീസ് എന്നായിരിക്കുമെന്നാണ് ആരാധകര്‍ ഉറ്റുനോക്കുന്നത്. ഇപ്പോഴിതാ ചിത്രത്തിന്റെതായി പുറത്തുവന്ന വാര്‍ത്ത ആഘോഷമാക്കിയിരിക്കുകയാണ് ആരാധകര്‍. ചിത്രത്തിന്റെ ട്രെയ്‌ലര്‍ റിലീസിന്റെയും ഓഡിയോ ലോഞ്ചിന്റെയും ഡേറ്റ് ആണ് അണിയറ പ്രവര്‍ത്തകര്‍ പുറത്തുവിട്ടത്.
മേയ് 15 നാണ് ചിത്രത്തിന്റെ ട്രെയ്‌ലറും ഓഡിയോ ലോഞ്ചും നടക്കുന്നത്. ലോകേഷ് കനകരാജ് സംവിധാനം ചെയ്യുന്ന ചിത്രത്തിന് അനിരുദ്ധ് രവിചന്ദറാണ് സംഗീതം നല്‍കിയിരിക്കുന്നത്.ഫ്‌ളാഷ്ബാക്ക് കഥയ്ക്കായി നടന്‍ കമല്‍ഹാസന്‍ 30 വയസ്സുകാരനായി പ്രത്യക്ഷപ്പെടുന്ന ഭാഗങ്ങള്‍ ചിത്രത്തിലുണ്ടാകുമെന്ന് നേരത്തെ റിപ്പോര്‍ട്ടുണ്ടായിരുന്നു.
പത്ത് കോടിയിലധികം രൂപയാണ് താരത്തെ ചെറുപ്പമാക്കി കാണിക്കാന്‍ മാത്രം ചിലവായതെന്നാണ് റിപ്പോര്‍ട്ട്. കമലിന്റെ ഫ്‌ലാഷ്ബാക്ക് കഥയില്‍ കന്നഡ നടി ഷാന്‍വി ശ്രീവാസ്തവ നായികയായി അഭിനയിക്കുമെന്നും റിപ്പോര്‍ട്ടുകളുണ്ട്.
ജൂണ്‍ 3 നാണ് ചിത്രം റിലീസ് ചെയ്യുന്നത്. കാളിദാസ് ജയറാം, നരേന്‍ തുടങ്ങിയവരും പ്രധാന കഥാപാത്രങ്ങളായി ചിത്രത്തില്‍ എത്തുന്നുണ്ട്. ചിത്രത്തിന്റെ ഓഡിയോ റൈറ്റ്സ് സോണി മ്യൂസിക് നേരത്തെ സ്വന്തമാക്കിയിരുന്നു. വന്‍ തുകയ്ക്കാണ് കമല്‍ഹാസന്‍ ചിത്രത്തിന്റെ ഓഡിയോ റൈറ്റ്സ് സോണി മ്യൂസിക് സ്വന്തമാക്കിയത്.
രാജ്കമല്‍ ഫിലിംസ് ഇന്റര്‍നാഷണലിന്റെ ബാനറില്‍ കമല്‍ഹാസന്‍ തന്നെയാണ് ചിത്രം നിര്‍മിച്ചിരിക്കുന്നത്. എഡിറ്റിംഗ് ഫിലോമിന്‍ രാജ്. സംഘട്ടന സംവിധാനം അന്‍പറിവ്. നൃത്തസംവിധാനം ദിനേശ്. പി.ആര്‍.ഒ ഡയമണ്ട് ബാബു. ശബ്ദം സങ്കലനം കണ്ണന്‍ ഗണ്‍പത്.
Adjust Story Font
16
