ആര്യൻ ഖാന് സംവിധാനത്തിലൂടെ അരങ്ങേറ്റം; സീരീസ് പ്രഖ്യാപിച്ച് നെറ്റ്ഫ്ലിക്സ്

സംവിധാനരംഗത്തേക്ക് ചുവടുവെച്ച് ഷാരൂഖ് ഖാന്റെ മകൻ ആര്യൻ ഖാൻ. നെറ്റ്ഫ്ലിക്‌സും ഷാരൂഖ് ഖാന്റെ പ്രൊഡക്ഷൻ കമ്പനിയായ റെഡ് ചില്ലീസ് എന്റർടെയിൻമെന്റും സംയുക്തമായി ഇറക്കുന്ന സീരീസിലൂടെയാണ് ആര്യൻ തന്റെ അരങ്ങേറ്റം കുറിക്കുന്നത്.

2025ൽ ഇറങ്ങുന്ന സീരീസ് നിർമിക്കുന്നത് ഷാരൂഖിൻ്റെ ഭാര്യ ഗൗരി ഖാനാണ്. സീരിസ് പുറത്തിറങ്ങുന്നതിനെക്കുറിച്ചുള്ള പ്രഖ്യാപനം അമേരിക്കയിലെ ലോസ് ആഞ്ചലസിലാണ് നടന്നത്. നെറ്റ്ഫ്ലിക്‌സ് ചീഫ് കണ്ടന്റ് ഓഫീസറായ ബേല ബജാരിയ സംഘടിപ്പിച്ച പരിപാടിയിൽ അടുത്തവർഷം ഇറങ്ങുന്ന മറ്റ് പരിപാടികളെക്കുറിച്ചും പ്രഖ്യാപനം നടത്തി.

ബോളിവുഡ് സിനിമാമേഖലയിലേക്കെത്തുന്ന ഒരു പുറംനാട്ടുകാരന്റെ കഥ പറയുന്ന സീരീസിന്റെ പേര് പ്രഖ്യാപിച്ചിട്ടില്ല.

മകന്റെ സീരീസിനെക്കുറിച്ച് തന്റെ സമൂഹമാധ്യമത്തിൽ പോസ്റ്റുമായി ഷാരൂഖ് ഖാനും രംഗത്തുവന്നു.

''ഒരു പുതിയ കഥ പ്രേക്ഷകർക്കായി അവതരിപ്പിക്കുന്ന ഒരു പ്രത്യേക ദിവസമാണിത്. @RedChilliesEnt, ആര്യൻ ഖാൻ എന്നിവർ @NetflixIndia-ൽ തങ്ങളുടെ പുതിയ സീരീസ് പ്രദർശിപ്പിക്കാനുള്ള യാത്ര ആരംഭിക്കുന്നതിനാൽ ഇന്നത്തെ ദിവസം കൂടുതൽ സവിശേഷമാണ്. അനിയന്ത്രിതമായ കഥ പറയൽ... നിയന്ത്രിത കുഴപ്പങ്ങൾ... ധൈര്യശാലികളായ രംഗങ്ങളും ഒത്തിരി രസകരവും വികാരങ്ങളും ഇവിടെയുണ്ട്. മുന്നോട്ട് പോയി ആളുകളെ ആര്യനെ രസിപ്പിക്കുക, ഓർക്കുക, ഷോ ബിസിനസ്സ് പോലെ ഒരു ബിസിനസ്സും ഇല്ല'- എന്നാണ് ഷാരൂഖ് പോസ്റ്റിന് അടിക്കുറിപ്പിട്ടത്.