പതിവ് തെറ്റിച്ചില്ല, ഐ ഫോണ്‍ 14 പ്രോ മാക്സ് സ്വന്തമാക്കി മമ്മൂട്ടി

അഭിനയത്തിനപ്പുറം കാറുകളോടും ടെക്നോളജിയോടുമുള്ള മമ്മൂട്ടിയുടെ ഇഷ്ടം പ്രശസ്തമാണ്. കാറുകളുടെയും ഫോണുകളുടെയും ഏറ്റവും പുതിയ ശേഖരം മമ്മൂട്ടിക്ക് സ്വന്തമായുണ്ട്. മമ്മൂട്ടിയുടെ ഫോണ്‍ ശേഖരത്തിലേക്ക് പുതിയ ഒരു അതിഥി കൂടി ഇന്നെത്തിയിരിക്കുകയാണ്. ആപ്പിള്‍ ഐ ഫോണ്‍ സീരീസില്‍ വിപണിയില്‍ പുറത്തിറങ്ങിയ ഏറ്റവും പുതിയ ഫോണ്‍ ആണ് മമ്മൂട്ടി സ്വന്തമാക്കിയിരിക്കുന്നത്. ഐ ഫോണ്‍ സീരീസില്‍ പുതിയതായി പുറത്തിറങ്ങിയ ഐ ഫോണ്‍ 14 പ്രോ മാക്സ് ആണ് മമ്മൂട്ടി സ്വന്തമാക്കിയിരിക്കുന്നത്. ഇതിന് ഏകദേശം 1,39,900 രൂപയാണ് ഇന്ത്യയില്‍ വരുന്നത്. രണ്ട് വര്‍ഷം മുമ്പ് ആപ്പിള്‍ ഐ ഫോണ്‍ 12 പ്രോ മാക്സ് വിപണിയിലെത്തിയപ്പോഴും മമ്മൂട്ടിയായിരുന്നു ആദ്യം സ്വന്തമാക്കിയിരുന്നത്.

79,900 രൂപയാണ് അടിസ്ഥാന മോഡലായ ഐഫോൺ 14ൻ്റെ വില. പ്രോ ഫോണിന് 1,29,900 രൂപയാണ് ഇന്ത്യന്‍ വിപണി വില. ഐഫോണ്‍ ചരിത്രത്തിലെ ആദ്യ 48 എം.പി. ക്യാമറയാണ് 14 പ്രോ ശ്രേണിയിലുള്ളത്. 4 കെ വീഡിയോ പിന്തുണ, ഫോട്ടോണിക് എൻജിൻ എന്നിവ പ്രോ സീരീസിൻ്റെ പ്രത്യേകതകളാണ്. ഓള്‍വെയ്‌സ് ഓണ്‍ ഡിസ്പ്ലേ, ക്രാഷ് ഡിറ്റക്ഷന്‍, സാറ്റലൈറ്റ് കണക്ടഡ് എമര്‍ജന്‍സി റെസ്‌പോണ്‍സ് ഫെസിലിറ്റി എന്നിവയും പുതിയ മോഡലിൽ ലഭ്യമാകും.

നിസാം ബഷീര്‍ സംവിധാനം ചെയ്യുന്ന റോഷാക്ക് ആണ് മമ്മൂട്ടിയുടേതായി പുറത്തിറങ്ങാനിരിക്കുന്ന പുതിയ ചിത്രം. മമ്മൂട്ടിയുടെ തന്നെ നിര്‍മാണ കമ്പനിയായ മമ്മൂട്ടി കമ്പനിയാണ് റോഷാക്ക് നിര്‍മ്മിക്കുന്നത്. ചിത്രം സെപ്റ്റംബര്‍ 29ന് തിയറ്ററുകളില്‍ റിലീസ് ചെയ്യും. ലിജോ ജോസ് പെല്ലിശ്ശേരി സംവിധാനം ചെയ്ത നന്‍പകല്‍ നേരത്ത് മയക്കം ആണ് മമ്മൂട്ടിയുടേതായി പുറത്തിറങ്ങാനിരിക്കുന്ന മറ്റൊരു ചിത്രം. ബി ഉണ്ണികൃഷ്ണന്‍ സംവിധാനം ചെയ്യുന്ന ക്രിസ്റ്റഫര്‍ ആണ് മമ്മൂട്ടിയുടേതായി പുറത്തിറങ്ങാനിരിക്കുന്ന അടുത്ത ചിത്രം.