മഞ്ജുവിന്‍റെ ലുക്കില്‍ ഒരു മുത്തശ്ശി: ഫോട്ടോ വൈറല്‍

ബ്ലാക്ക് ആന്‍റ് വൈറ്റ് മിഡിയിലുള്ള നടി മഞ്ജുവാര്യരുടെ ലുക്കിന് ദിവസം കൂടുന്തോറും ആരാധകര്‍ കൂടി വരികയാണ്. സോഷ്യല്‍ മീഡിയയില്‍ ആ ഫോട്ടോ മഞ്ജു പോസ്റ്റ് ചെയ്ത ദിവസം ഫീഡ് നിറയെ അതുമാത്രമായിരുന്നു നാം കണ്ടത്. തന്‍റെ പുതിയ ചിത്രമായ ചതുര്‍മുഖത്തിന്‍റെ പ്രചാരണത്തിനാണ് വെള്ള ഷര്‍ട്ടും കറുപ്പ് മിഡിയും ധരിച്ച് മഞ്ജു എത്തിയത്. നിരവധി ആരാധകരാണ് ആ ഫോട്ടോയ്ക്കുണ്ടായത്. മഞ്ജുവിന്‍റെ ഹെയര്‍സ്റ്റൈലും കൈ ഉയര്‍ത്തിയുള്ള അഭിവാദ്യം പറച്ചിലും അനുകരിച്ച് പലരും പിന്നീട് ഫോട്ടോ എടുത്ത് സോഷ്യല്‍മീഡിയയില്‍ പോസ്റ്റ് ചെയ്തിരുന്നു. പ്രായം മറന്നുള്ള മഞ്ജുവിന്‍റെ പോസീറ്റീവ് എനര്‍ജിയാണ് എല്ലാവരെയും അമ്പരപ്പിച്ചത്.

ഇപ്പോഴിതാ മഞ്ജുവിന്‍റെ ആ സ്റ്റൈല്‍ പങ്കുവെച്ച ഒരു മുത്തശ്ശിയാണ് താരം. നടക്കുന്നത് വാക്കറിന്‍റെ സഹായത്തോടെയാണെങ്കിലും സ്റ്റൈലില്‍ മഞ്ജുവിനെ കടത്തിവെട്ടിയിരിക്കുകയാണ് ഈ മുത്തശ്ശി. മുടിയെല്ലാം നരച്ചിട്ടുണ്ടെങ്കിലും ഹൈയര്‍സ്റ്റൈല്‍ മഞ്ജുവിന്‍റെ പോലെ തന്നെ. മഞ്ജുവിനെ പോലെ മിഡിയും ടോപ്പുമണിഞ്ഞ് ഒരു കൈ ഉയര്‍ത്തി നില്‍ക്കുന്ന മുത്തശ്ശിയുടെ ഫോട്ടോ മഞ്ജു തന്നെയാണ് തന്‍റെ സോഷ്യല്‍മീഡിയാ അക്കൌണ്ടില്‍ പങ്കുവെച്ചിരിക്കുന്നത്.

ഇതിനുമപ്പുറം എന്ത് അംഗീകാരം? ഒരുപാടൊരുപാട് സ്നേഹം ലക്ഷ്മി ആന്‍റി എന്ന കുറിപ്പോടെയാണ് മഞ്ജു മുത്തശ്ശിയുടെ ഫോട്ടോ പങ്കുവെച്ചിട്ടുള്ളത്. മിഡിയിലുള്ള മഞ്ജുവിന്‍റെ ഫോട്ടോയ്‍ക്കൊപ്പം മുത്തശ്ശിയുടെ ഫോട്ടോ കൂടി കൊളാഷ് ചെയ്തിട്ടാണ് മഞ്ജു ചിത്രം പങ്കുവെച്ചത്. തനിക്ക് ഈ ചിത്രം അയച്ചു തന്ന ശാനി യാസിന് നന്ദിയും പറയുന്നുണ്ട് മഞ്ജു തന്‍റെ പോസ്റ്റില്‍.