തെലുഗുവിലും കൈയ്യടി നേടാന്‍ ദൃശ്യം 2; ഷൂട്ടിങ് അവസാന ഘട്ടത്തില്‍

ദൃശ്യം 2 തെലു​ഗുവിന്റെ ഷൂട്ടിങ് അവസാന ഘട്ടത്തിലേക്ക്. ചിത്രത്തിൽ മോഹൻലാൽ അവതരിപ്പിച്ച വേഷം കൈകാര്യം ചെയ്യുന്ന വെങ്കിടേഷിന്റെ സീനുകളെല്ലാം ഷൂട്ട് ചെയ്ത് തീർന്നു. നിർമാതാക്കളായ സുരേഷ് പ്രൊഡക്ഷൻസ് ആണ് ഇക്കാര്യം ട്വറ്ററിൽ അറിയിച്ചത്.

ദൃശ്യത്തിന്റെ ഒന്നിന്‍റെ തെലു​ഗു റീമേക്കും ബോക്സ് ഓഫീസ് ഹിറ്റായിരുന്നു. വലിയ തരത്തിലുള്ള പ്രേക്ഷക പ്രശംസ ലഭിച്ച രണ്ടാം ഭാ​ഗത്തിന് ശേഷം, ജീത്തു ജോസഫ് തന്നെയാണ് ചിത്രത്തിന്റെ തെലുഗു പതിപ്പും ഒരുക്കുന്നത്. ശ്രീപ്രിയ ആയിരുന്നു ആദ്യ ഭാ​ഗം സംവിധാനം ചെയ്തത്. വെങ്കിടേഷിന് പുറമെ മീനയും എസ്തറും ചിത്രത്തിലുണ്ട്. കൃതിക ജയകുമാറാണ് അൻസിബയുടെ റോൾ ചെയ്യുന്നത്.

സുരേഷ് പ്രൊഡക്ഷൻസിനൊപ്പം ആശീർവാദ് സിനിമാസും ചേർന്നാണ് തെലു​ഗു ദൃശ്യം 2 ഒരുക്കുന്നത്. സതീഷ് കുറുപ്പ് ആണ് ഛായാ​ഗ്രഹണം. ജൂണിൽ ചിത്രം പുറത്തിറക്കുമെന്നായിരുന്നു നേരത്തെയുള്ള റിപ്പോർട്ടുകൾ.