"അടികള്‍ പലവിധം"; ആവേശത്തിരയിളക്കി മണവാളന്‍ വസീമെത്തി
ടൊവിനോ ചിത്രം തല്ലുമാല ട്രെയിലര്‍ പുറത്തിറങ്ങി
ടൊവിനോ തോമസ്, കല്യാണി പ്രിയദർശൻ എന്നിവർ കേന്ദ്രകഥാപാത്രങ്ങളെ അവതരിപ്പിക്കുന്ന തല്ലുമാലയുടെ ട്രെയിലര്‍ പുറത്തിറങ്ങി. മൂന്ന് മിനിറ്റോളം നീണ്ടു നില്‍ക്കുന്ന ട്രെയിലറില്‍ ടോവിനോയുടെ നിറഞ്ഞാട്ടമാണ് ആരാധകര്‍ക്ക് കാണാനാവുക. വസീമെന്ന കഥാപാത്രത്തെയാണ് ചിത്രത്തില്‍ ടോവിനോ അവതരിപ്പിക്കുന്നത്.
ടൊവിനോയ്ക്കും കല്യാണിക്കുമൊപ്പം ലുക്മാനും ഷൈന്‍ ടോം ചാക്കോയും ട്രെയ്‌ലറില്‍ തിളങ്ങിയിട്ടുണ്ട്. "അടികള്‍ പലവിധം" എന്ന മുഖവുരയോടെയാണ് ടോവിനോയുടെ കഥാപാത്രത്തെ ട്രെയിലറില്‍ അവതരിപ്പിക്കുന്നത്.വ്‌ളോഗര്‍ ബീ പാത്തുവായാണ് കല്യാണി പ്രിയദര്‍ശനെത്തുന്നത്. ചിത്രം ആഗസ്റ്റ് 12 ന് തിയേറ്ററുകളിലെത്തും
ആഷിക്ക് ഉസ്മാൻ പ്രൊഡക്ഷൻസിന്‍റെ ബാനറിൽ ആഷിക് ഉസ്മാൻ നിർമിച്ച് ഖാലിദ് റഹ്മാൻ സംവിധാനം ചെയ്യുന്ന ചിത്രമാണ് തല്ലുമാല. മുഹ്‌സിൻ പരാരിയും, അഷ്‌റഫ് ഹംസയും ചേർന്നാണ് ചിത്രത്തിന്‍റെ തിരക്കഥ ഒരുക്കുന്നത്. വിതരണം-സെൻട്രൽ പിക്ചേർസ്‌. ഷൈൻ ടോം ചാക്കോ, ജോണി ആന്‍റണി, ബിനു പപ്പു, ലുക്മാൻ അവറാൻ തുടങ്ങി ഒരു നീണ്ട താരനിര തന്നെ ചിത്രത്തിലുണ്ട്. ജിംഷി ഖാലിദ് ആണ് ഛായാഗ്രാഹകൻ.
സംഗീതം-വിഷ്ണു വിജയ് കൊറിയോഗ്രാഫർ-ഷോബി പോൾരാജ്, സംഘട്ടനം-സുപ്രിം സുന്ദർ, കലാ സംവിധാനം-ഗോകുൽ ദാസ്, ശബ്ദ മിശ്രണം-വിഷ്ണു ഗോവിന്ദ് & ശ്രീ ശങ്കർ, മേക്കപ്പ്-റോണക്‌സ് സേവ്യർ, വസ്ത്രാലങ്കാരം-മഷർ ഹംസ, ചീഫ്‌ അസ്സോസിയേറ്റ്-റഫീക്ക് ഇബ്രാഹിം & ശിൽപ അലക്സാണ്ടർ, പ്രൊഡക്ഷൻ കൺട്രോളർ-സുധർമ്മൻ വള്ളിക്കുന്ന്, സ്റ്റിൽസ്-ജസ്റ്റിൻ ജെയിംസ്, പോസ്റ്റർ -ഓൾഡ്മോങ്ക്‌സ്, മീഡിയ പ്ലാനിങ് & മാർക്കറ്റിങ് ഡിസൈനിംഗ് - പപ്പെറ്റ് മീഡിയ.
Adjust Story Font
16
