ഷൂട്ടിംഗ് ഇടവേളയില്‍ തറയില്‍ കിടന്നുറങ്ങി മമ്മൂട്ടി; 'നന്‍പകല്‍ നേരത്ത് മയക്കം' പകര്‍ത്തി ജോര്‍ജ്
പഴനിയില്‍ ഷൂട്ടിംഗിനിടെ ഇലകള്‍ വീണുകിടക്കുന്ന തറയില്‍ കിടന്നുറങ്ങുന്ന മമ്മൂട്ടിയാണ് ചിത്രത്തില്‍
ലൊക്കേഷനില്‍ കിടന്നുറങ്ങുന്ന മമ്മൂട്ടി
മമ്മൂട്ടിയും ലിജോ ജോസ് പെല്ലിശ്ശേരിയും ആദ്യമായി ഒരുമിച്ച 'നന്‍പകല്‍ നേരത്ത് മയക്കം' തിയറ്ററുകളില്‍ നിറഞ്ഞ സദസില്‍ പ്രദര്‍ശനം തുടരുകയാണ്. പതിവ് പോലെ മമ്മൂട്ടിയുടെ അത്യുജ്ജല പ്രകടനമാണ് സിനിമയെ വേറിട്ടു നിര്‍ത്തുന്നത്. ഇപ്പോഴിതാ ലൊക്കേഷനില്‍ നിന്നുള്ള മമ്മൂട്ടിയുടെ ചിത്രമാണ് വൈറലാകുന്നത്. പഴനിയില്‍ ഷൂട്ടിംഗിനിടെ ഇലകള്‍ വീണുകിടക്കുന്ന തറയില്‍ കിടന്നുറങ്ങുന്ന മമ്മൂട്ടിയാണ് ചിത്രത്തില്‍. താരത്തിന്‍റെ സന്തതസഹചാരിയായ ജോര്‍ജാണ് ഈ ദൃശ്യങ്ങള്‍ പകര്‍ത്തിയത്.
വേളാങ്കണ്ണി തീർത്ഥയാത്ര കഴിഞ്ഞ് മടങ്ങുന്ന ഒരു നാടക ട്രൂപ്പിലെ അംഗങ്ങൾ എല്ലാവരും ഉച്ചയൂണ് കഴിഞ്ഞ് മയക്കത്തിലാകുന്നതും ശേഷം ട്രൂപ്പിൻ്റെ വാഹനം ഓടിക്കുന്ന ജയിംസ് വഴിയിലെ ഒരു ഗ്രാമത്തിലേക്ക് വണ്ടി തിരിച്ച് ആ ഗ്രാമത്തിലെ സുന്ദരം എന്ന വ്യക്തിയുടെ ആത്മാവിൽ വലയം പ്രാപിക്കുന്നതുമാണ് 'നന്‍പകല്‍ നേരത്ത് മയക്കം' സിനിമയുടെ പ്രമേയം. മമ്മൂട്ടി കമ്പനി നിർമ്മിച്ച ആദ്യ ചിത്രം നൻപകൽ നേരത്ത് മയക്കം തിയറ്ററിലെത്തിച്ചിരിക്കുന്നത് ദുൽഖർ സൽമാന്റെ വേഫേറെർ ഫിലിംസ് ആണ്. ട്രൂത്ത് ഫിലിംസാണ് ഓവർസീസ് റിലീസ് നടത്തുന്നത്.
എസ്.ഹരീഷാണ് ചിത്രത്തിന്‍റെ തിരക്കഥ നിര്‍വഹിച്ചിരിക്കുന്നത്. തേനി ഈശ്വറാണ് ക്യാമറ. എഡിറ്റിങ് – ദീപു എസ്.ജോസഫ്,
അശോകന്‍, രമ്യ പാണ്ഡ്യന്‍,കൈനകരി തങ്കരാജ്, ടി.സുരേഷ് ബാബു, രാജേഷ് ശര്‍മ എന്നിവരാണ് ചിത്രത്തിലെ മറ്റ് അഭിനേതാക്കള്‍.
Adjust Story Font
16
