മലയാളത്തില്‍ ഒരു കൊറിയന്‍ പോപ്പ്; തരംഗമായി ഓഹ് മൈ ഡാര്‍ലിംഗിലെ കെ-പോപ്പ് ഗാനം
ഫെബ്രുവരി 24 നാണ് ചിത്രത്തിന്‍റെ റിലീസ്.
റിയന്‍ സിനിമകള്‍ക്കും ഗാനങ്ങള്‍ക്കും കേരളത്തില്‍ ഒരുപാട് ആരാധകരുണ്ട്. നിരവധി പേരാണ് കൊറിയന്‍ സിനിമകളും ഗാനങ്ങളും ആസ്വദിക്കുകയും അഭിപ്രായങ്ങള്‍ പറയുകയും ചെയ്യാറുള്ളത്. ആ ട്രെന്‍ഡിന് അനുസരിച്ച് നീങ്ങുകയാണ് മലയാള സിനിമയും. അനിഖ സുരേന്ദ്രന്‍ നായികയാവുന്ന ഓഹ് മൈ ഡാര്‍ലിംഗ് എന്ന ചിത്രത്തിലെ ഒരു ഗാനം കൊറിയന്‍ പോപ്പാണ്. കഴിഞ്ഞ ദിവസം പുറത്തിറങ്ങിയ ഈ കെ- പോപ്പ് ഗാനം ഇതിനോടകം സോഷ്യല്‍ മീഡിയയില്‍ വൈറലാണ്. നിരവധി പേരാണ് ഡാര്‍ലിംഗ് എന്ന് പേരിട്ടിരിക്കുന്ന ഗാനത്തിനെ അഭിനന്ദിച്ച് രംഗത്ത് എത്തിയിരിക്കുന്നത്. കൊറിയന്‍ സീരീസ് ആരാധികയായ പെണ്‍കുട്ടിയുടെയും അവളുടെ പ്രണയത്തിന്‍റെയും കഥയാണ് ചിത്രം പറയുന്നത്.
ഗായിക ലിന്‍ഡ ക്യുറോയാണ് വരികളെഴുതി ഗാനം ആലപിച്ചിരിക്കുന്നത്. ഷാന്‍ റഹ്‌മാനാണ് ഗാനത്തിന്‍റെ സംഗീത സംവിധാനം. K-pop Contest India എന്നറിയപ്പെടുന്ന K pop വേള്‍ഡ് ഫെസ്റ്റിവല്‍ ഇന്ത്യ 2022 വിജയികളായ മിക്‌സ്ഡപ്പ് ആണ് 'ഡാര്‍ലിംഗ്' എന്ന ഗാനത്തിന് അനിഖയ്‌ക്കൊപ്പം നൃത്തം ചെയ്തിരിക്കുന്നത്. മിക്‌സഡപ്പ് തന്നെയാണ് ഗാനത്തിന്‍റെ കൊറിയോഗ്രാഫി നിര്‍വഹിച്ചിരിക്കുന്നതും. ഗ്രൂപ്പിലെ പ്രമുഖ താരങ്ങളായ ക്രിസ്, ഡയാന, സോയ, നാബി എന്നിവരാണ് ഗാനരംഗത്തില്‍ അനിഖയ്‌ക്കൊപ്പം എത്തിയത്.ഫെബ്രുവരി 24 നാണ് ചിത്രത്തിന്‍റെ റിലീസ്. ആഷ് ട്രീ വെഞ്ച്വേഴ്‌സിന്‍റെ ബാനറില്‍ മനോജ് ശ്രീകണ്ഠയാണ് ചിത്രം നിര്‍മിക്കുന്നത്. ആല്‍ഫ്രഡ് ഡി സാമുവല്‍ എന്ന നവാഗതനാണ് സംവിധാനം. ചിത്രത്തിന്‍റെ തിരക്കഥ ജിനീഷ് കെ ജോയ് ആണ്.
മെല്‍വിന്‍ ജി ബാബു, മുകേഷ്, ലെന, ജോണി ആന്‍റണി, മഞ്ജു പിള്ള, വിജയരാഘവന്‍, ശ്രീകാന്ത് മുരളി, നന്ദു, ഡെയ്ന്‍ ഡേവിസ്, ഫുക്രു തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്. അന്‍സാര്‍ ഷായാണ് ചിത്രത്തിന്‍റെ ഛായാഗ്രഹണം നിര്‍വഹിക്കുന്നത്. വിനായക് ശശികുമാറിന്‍റെ വരികള്‍ക്ക് സംഗീത പകരുന്നത് ഷാന്‍ റഹ്‌മാനാണ്. ലിജോ പോള്‍ എഡിറ്റിംഗും എം ബാവ ആര്‍ട്ടും നിര്‍വഹിച്ചിരിക്കുന്നു. വിജീഷ് പിള്ളയാണ് ക്രിയേറ്റീവ് ഡയറക്ടര്‍.
ചീഫ് അസോസിയേറ്റ്- അജിത് വേലായുധന്‍, മ്യൂസിക്- ഷാന്‍ റഹ്‌മാന്‍, ക്യാമറ- അന്‍സാര്‍ ഷാ, എഡിറ്റര്‍- ലിജോ പോള്‍, പ്രൊഡക്ഷന്‍ കണ്ട്രോളര്- ഷിബു ജി സുശീലന്‍, ആര്‍ട്ട്- അനീഷ് ഗോപാല്‍, കോസ്റ്റ്യൂം- സമീറ സനീഷ്, മേക്കപ്പ്- റോണി വെള്ളത്തൂവല്‍, എക്സിക്യൂട്ടീവ് പ്രൊഡ്യൂസര്‍- വിനോദ് എസ്, ഫിനാന്‍ഷ്യല്‍ കണ്ട്രോളര്- പ്രസി കൃഷ്ണ പ്രേം പ്രസാദ്, വരികള്‍- ബി. ഹരിനാരായണന്‍, ലിന്‍ഡ ക്വറോ, വിനായക് ശശികുമാര്‍, പി.ആര്‍.ഒ- ആതിര ദില്‍ജിത്, ഡിജിറ്റല്‍ മാര്‍ക്കറ്റിംഗ്- അനൂപ് സുന്ദരന്‍, ഡിസൈന്‍ കണ്‍സള്‍ട്ടന്‍റ്സ്- പോപ്കോണ്‍, പോസ്റ്റര്‍ ഡിസൈന്‍- യെല്ലോ ടൂത്ത്സ്, സ്റ്റില്‍സ്- ബിജിത് ധര്‍മ്മടം എന്നിവരാണ് മറ്റ് അണിയറപ്രവര്‍ത്തകര്‍.
Adjust Story Font
16
