ഒമാൻ മമ്മൂട്ടി ഫാൻസ്‌ ക്രിസ്റ്റഫർ വിജയാഘോഷവും ഫാൻസ്‌ ഷോയും സംഘടിപ്പിച്ചു

മസ്കത്ത്: ഒമാൻ മമ്മൂട്ടി ഫാൻസ്‌ ആൻഡ് വെൽഫേർ അസോസിയേഷൻ ക്രിസ്റ്റഫർ വിജയാഘോഷവും ഫാൻസ്‌ ഷോയും സംഘടിപ്പിച്ചു. ഇന്‍റർനാഷണൽ അസോസിയേഷന്‍റെ ആഭിമുഖ്യത്തിൽ ഒമാൻ അവന്യുസ് മാളിൽ ആണ് ക്രിസ്റ്റഫർ ഫാൻസ്‌ ഷോ പ്രദർശിപ്പിച്ചത്.

ഒമാൻ അവന്യുസ് മാളിലെ സിനിപോളീസിൽ നടത്തിയ പ്രദർശനം നൂറ്റിഅമ്പതോളം ആരാധകർ കേക്ക് മുറിച്ചും മധുരം വിതരണം നൽകിയും ആഘോഷിച്ചു. നിറഞ്ഞ സദസിൽ പ്രദർശനം തുടരുന്ന ക്രിസ്റ്റഫർ മികച്ച പ്രേക്ഷക അഭിപ്രായം ഇതിനോടകം തന്നെ നേടിയിട്ടുണ്ട്. ക്രിട്ടിക്സിന്‍റെ ഇടയിലും സാധാ പ്രേക്ഷകരുടെ ഇടയിലും മികച്ച അഭിപ്രായം നേടിയ ചിത്രം ബി ഉണ്ണികൃഷ്ണൻ ഉദയകൃഷ്ണ ടീമിന്‍റെ തിരിച്ചു വരവാണ് എന്ന് വിലയിരുത്തുന്നു.

മലബാർ മജ്‌ലിസ് റസ്റ്റോറന്‍റ് മാനേജിങ് ഡയറക്ടർ ഫിർദൗസ് നിടുന്തോൾ, ഒമാൻ അവന്യൂസ് മാൾ മാനേജർ ആദർശ് എന്നിവർ പങ്കെടുത്തു. മമ്മൂട്ടി ഫാൻസ്‌ പ്രവർത്തകർ ആയ അജിത് സൈൻ, വിശ്വാസ് എന്നക്കാട്, ഗഫൂർ, ആഷിക് സകരിയ, അനീഷ് സലിം, എബി ജോർജ്, സഞ്ജയ് നെന്മാറ, ജേക്കബ്, ഹാഷിം എന്നിവർ നേതൃത്വം നൽകി.