ഉപ്പും മധുരവും ഉപേക്ഷിച്ചു, മരുന്നുകള്‍ ആഹാരമായി, ജോലിയില്‍ പരാജയപ്പെട്ടു; രോഗബാധിതയായിട്ട് ഒരു വര്‍ഷം, കുറിപ്പുമായി സാമന്ത
പ്രാര്‍ഥനയുടെയും പൂജയുടെയും ഒരു വര്‍ഷം
സാമന്ത
ഹൈദരാബാദ്: കഴിഞ്ഞ വര്‍ഷമാണ് തനിക്ക് മയോസിറ്റിസ് എന്ന രോഗം ബാധിച്ച കാര്യം നടി സാമന്ത ആരാധകരോട് തുറന്നുപറയുന്നത്. മസിലുകളില്‍ വീക്കം സംഭവിക്കുന്ന അവസ്ഥയാണ് മയോസിറ്റിസ്. രോഗവുമായി താന്‍ നടത്തിയ പോരാട്ടത്തെക്കുറിച്ച് പലതവണ നടി പറഞ്ഞിട്ടുണ്ട്. കണ്ണുകളില്‍ സൂചി കുത്തുന്ന വേദനയോടെയാണ് എല്ലാം ദിവസവും എഴുന്നേല്‍ക്കാറുള്ളതെന്നും ചില ദിവസങ്ങളില്‍ വല്ലാതെ ക്ഷീണിക്കുമെന്നും സാമന്ത പറഞ്ഞിരുന്നു. ഇപ്പോഴിതാ രോഗം സ്ഥിരീകരിച്ചിട്ട് ഒരു വര്‍ഷമായെന്ന കാര്യം ഓര്‍മിക്കുകയാണ് താരം.
സാമന്തയുടെ കുറിപ്പ്
രോഗം സ്ഥിരീകരിച്ചിട്ട് ഒരു വര്‍ഷമാകുന്നു. ന്യൂ നോര്‍മലിലേക്ക് എത്താന്‍ നിര്‍ബന്ധിതയായിട്ട് ഒരു വര്‍ഷം. എന്‍റെ ശരീരവുമായി നിരവധി യുദ്ധങ്ങള്‍ ചെയ്തു. ഉപ്പും പഞ്ചസാരയും ഒഴിവാക്കി, മരുന്നുകള്‍ കഴിച്ചുകൊണ്ടേയിരുന്നു. അർത്ഥവും പ്രതിഫലനവും ആത്മപരിശോധനയും തേടുന്ന ഒരു വർഷം.അതിനൊപ്പം പ്രൊഫഷണല്‍ പരാജയങ്ങളും. പ്രാര്‍ഥനയുടെയും പൂജയുടെയും ഒരു വര്‍ഷം. അനുഗ്രഹങ്ങൾക്കും സമ്മാനങ്ങൾക്കും വേണ്ടി പ്രാർത്ഥിക്കുകയല്ല... മറിച്ച് ശക്തിയും സമാധാനവും കണ്ടെത്താൻ പ്രാർത്ഥിക്കുന്നു.എല്ലാ സമയത്തും എല്ലാം നിങ്ങളുടെ വഴിക്ക് പോകുന്നില്ലെന്ന് എന്നെ പഠിപ്പിച്ച ഒരു വർഷം. വിചാരിച്ചതൊന്നും നടന്നില്ലെങ്കിലും അതും ഓകെയാണെന്ന് എന്നെ പഠിപ്പിച്ചു. എനിക്ക് നിയന്ത്രിക്കാവുന്നവ നിയന്ത്രിക്കണം, ബാക്കിയുള്ളവ ഉപേക്ഷിക്കണം, ഓരോ ഘട്ടവും മുന്നോട്ട് നീങ്ങിക്കൊണ്ടിരിക്കണം.
അത് ചിലപ്പോൾ മഹത്തായ വിജയങ്ങളെക്കുറിച്ചല്ല, മറിച്ച് മുന്നോട്ട് പ്രവർത്തിക്കുന്നത് ഒരു വിജയമാണ്.കാര്യങ്ങൾ വീണ്ടും പൂർണ്ണമാകാൻ വേണ്ടിയോ ഭൂതകാലത്തിൽ ചുറ്റിത്തിരിയുന്നതിനോ ഞാൻ കാത്തിരിക്കരുത്. ഞാൻ സ്നേഹിക്കുന്നവരേയും ഞാൻ സ്നേഹിക്കുന്നവരേയും മുറുകെ പിടിക്കണം. വെറുപ്പ് ബാധിക്കരുത്. നിങ്ങളിൽ പലരും വളരെ കഠിനമായ യുദ്ധങ്ങൾ ചെയ്യുന്നുണ്ടാകും.ഞാൻ നിങ്ങൾക്കും വേണ്ടി പ്രാർത്ഥിക്കുന്നു. ദൈവങ്ങൾ വൈകിയേക്കാം, പക്ഷേ അവർ ഒരിക്കലും നിങ്ങളെ തള്ളിക്കളയില്ല. സമാധാനവും സ്നേഹവും സന്തോഷവും ശക്തിയും തേടുന്നവരെ അവര്‍ ഒരിക്കലും തള്ളിക്കളയില്ല.
അഭിജ്ഞാന ശാകുന്തളത്തെ ആസ്പദമാക്കി ഒരുക്കിയ തെലുങ്ക് ചിത്രം ശാകുന്തളത്തിലാണ് സാമന്ത ഒടുവില്‍ വേഷമിട്ടത്. ചിത്രം വന്‍പരാജയമായിരുന്നു. അതിനു മുന്‍പ് പുറത്തിറങ്ങിയ യശോദയും ബോക്സോഫീസില്‍ ചലനമുണ്ടാക്കിയില്ല. വിജയ് ദേവരക്കൊണ്ടക്കൊപ്പം ഒരുമിക്കുന്ന ഖുഷിയാണ് നടിയുടെ പുതിയ ചിത്രം. ഡൗണ്ടൺ ആബിയുടെ സംവിധായകൻ ഫിലിപ്പ് ജോണിനൊപ്പം 'അറേഞ്ച്മെന്റ്സ് ഓഫ് ലവ് ' എന്ന ചിത്രത്തിലും സാമന്ത അഭിനയിക്കും.
Adjust Story Font
16
