റിലീസിന് മുമ്പേ 'നൂറ് കോടി ക്ലബ്ബിൽ' കയറി ശിവകാർത്തികേയന്റെ 'പ്രിൻസ്'

റിലീസിന് മുമ്പ് തന്നെ നൂറ് കോടി കളക്ഷൻ നേടി തമിഴ്‌നടൻ ശിവകാർത്തികേയന്റെ 'പ്രിൻസ്''. ചിത്രത്തിന്റെ ഡിജിറ്റൽ സാറ്റലൈറ്റ് അവകാശങ്ങൾ വിറ്റുപോയത് 40 കോടി രൂപയ്ക്കാണെന്നാണ് റിപ്പോർട്ടുകൾ. സിനിമയുടെ തമിഴ് പതിപ്പിന്റെ തിയേറ്റർ റൈറ്റ് 45 കോടിയും ഓഡിയോ റൈറ്റ് 4 കോടിക്ക് മുകളിലും നേടി. ഇതിനൊപ്പം ചിത്രത്തിന്റെ തെലുങ്ക് പതിപ്പിന്റെ റൈറ്റ്‌സ് കൂടിയായതോടെ ചിത്രം 100 കോടി നേടുകയായിരുന്നു.

ദീപാവലി റിലീസായി ഒക്ടോബർ 21നാണ് ചിത്രം തിയേറ്ററുകളിലെത്തുന്നത്. അനുദീപ് കെ.വി ആണ് ചിത്രത്തിന്റെ സംവിധാനം. ഡിസ്‌നി പ്ലസ് ഹോട്ട്‌സ്റ്റാറാണ് ചിത്രത്തിന്റെ ഡിജിറ്റൽ റൈറ്റ്‌സ് സ്വന്തമാക്കിയിരിക്കുന്നത്. ശിവകാർത്തികേയൻ ചിത്രങ്ങൾക്ക് ഇതുവരെ ലഭിച്ചതിൽ ഏറ്റവും ഉയർന്ന നിരക്കിലാണ് ചിത്രത്തിന്റെ ഡിജിറ്റൽ-സാറ്റലൈറ്റ് അവകാശങ്ങൾ വിറ്റുപോയതെന്നാണ് റിപ്പോർട്ട്. ഉക്രെയ്ൻ താരം മറിയ റ്യബോഷ്പ്കയാണ് ചിത്രത്തിലെ നായിക. സത്യരാജ്,പ്രേംഗി,അമരെൻ,പ്രാങ്ക്സ്റ്റർ തുടങ്ങിയവരും ചിത്രത്തിലുണ്ട്.