സുരാജ് വെഞ്ഞാറമ്മൂടും വിനായകനും തമ്മില് മുട്ടനിടി ; വീഡിയോ പുറത്ത്
എഞ്ചിനീയർ മാധവനാകുന്ന വിനായകനും അരിമിൽ ഉടമ ശങ്കുണ്ണിയാകുന്ന സുരാജ് വെഞ്ഞാറമ്മൂടും തമ്മില് ഏറ്റുമുട്ടുന്നതാണ് വീഡിയോയിലുള്ളത്
![Thekku Vadakku Character Reveal Teaser Thekku Vadakku Character Reveal Teaser](https://www.mediaoneonline.com/h-upload/2024/05/28/1425623-tv.webp)
പരസ്പരം കടിപിടി കൂടി വിനായകനും സുരാജ് വെഞ്ഞാറമ്മൂടും. നായകന്മാർക്ക് വ്യത്യസ്തമായ ആമുഖം നൽകുന്ന 'തെക്ക് വടക്ക്' സിനിമയുടെ രണ്ടാമത്തെ ആമുഖ വീഡിയോ പുറത്ത്. കഥാപാത്രങ്ങളെയും അവരുടെ ഗെറ്റപ്പിനെയും വ്യത്യസ്തമായി പ്രേക്ഷകർക്കു മുന്നിൽ അവതരിപ്പിക്കുന്ന രീതിയാണ് ആമുഖ വീഡിയോകൾ. എഞ്ചിനീയർ മാധവനാകുന്ന വിനായകനും അരിമിൽ ഉടമ ശങ്കുണ്ണിയാകുന്ന സുരാജ് വെഞ്ഞാറമ്മൂടും തമ്മില് ഏറ്റുമുട്ടുന്നതാണ് വീഡിയോയിലുള്ളത്.
എസ്. ഹരീഷിന്റെ 'രാത്രി കാവൽ' എന്ന കഥയെ ആസ്പദമാക്കി പ്രേം ശങ്കർ ചിത്രം സംവിധാനം ചെയ്യുന്നത്. അൻജന ഫിലിപ്പിൻ്റെയും വി. എ ശ്രീകുമാറിൻ്റെയും നേതൃത്വത്തിലുള്ള അൻജന- വാർസാണ് നിർമാണം. മെൽവിൻ ജി ബാബു, ഷമീർ ഖാൻ, കോട്ടയം രമേഷ്, മെറിൻ ജോസ്, വിനീത് വിശ്വം, ബാലൻ പാലക്കൽ, ജെയിംസ് പാറക്കൽ തുടങ്ങി നൂറോളം അഭിനേതാക്കൾ സിനിമയിലുണ്ട്.
ആർഡിഎക്സിലെ ഹിറ്റ് ഗാനങ്ങളൊരുക്കിയ സാം സി. എസ് ഗാനങ്ങൾ ചിട്ടപ്പെടുത്തി പശ്ചാത്തല സംഗീതം ഒരുക്കുന്നു. അൻവർ റഷീദിന്റെ ബ്രിഡ്ജ് സിനിമയുടെ ഛായാഗ്രാഹകനായി ആരംഭിച്ച് കിസ്മത്ത്, വലിയപെരുന്നാൾ തുടങ്ങിയവയിലൂടെ ശ്രദ്ധേയനായ സുരേഷ് രാജനാണ് ഡിഒപി. രോമാഞ്ചം, റോഷാക്ക് അടക്കമുള്ള സിനിമകളുടെ എഡിറ്ററായ കിരൺ ദാസാണ് ചിത്രസംയോജനം. പ്രൊഡക്ഷൻ ഡിസൈൻ: രാഖിൽ, വരികൾ: ലക്ഷ്മി ശ്രീകുമാർ.
Adjust Story Font
16