താനവിടെ കോഴി റബര്‍ ബാന്‍ഡ് വിഴുങ്ങിയ പോലെ കാണിച്ചിട്ടുണ്ടാകും; പൊട്ടിച്ചിരിപ്പിച്ച് വിശുദ്ധ മെജോ ട്രയിലര്‍
മോഹന്‍ലാലിന്‍റെ ഫേസ്ബുക്ക് പേജിലൂടെയാണ് ട്രയിലര്‍ റിലീസ് ചെയ്തത്
ഡിനോയ് പൗലോസ് നായകനായി നവാഗതനായ കിരണ്‍ ആന്‍റണി സംവിധാനം ചെയ്യുന്ന ചിത്രമാണ് വിശുദ്ധ മെജോ. കഴിഞ്ഞ ദിവസം പുറത്തിറങ്ങിയ ചിത്രത്തിന്‍റെ ട്രയിലര്‍ മികച്ച സ്വീകാര്യത നേടിക്കൊണ്ടിരിക്കുകയാണ്. മോഹന്‍ലാലിന്‍റെ ഫേസ്ബുക്ക് പേജിലൂടെയാണ് ട്രയിലര്‍ റിലീസ് ചെയ്തത്.
മെജോ എന്ന ടൈറ്റില്‍ കഥാപാത്രത്തെയാണ് ഡിനോയ് അവതരിപ്പിക്കുന്നത്. തണ്ണീര്‍മത്തന്‍ ദിനങ്ങള്‍, പത്രോസിന്‍റെ പടപ്പുകള്‍ എന്നീ ചിത്രങ്ങളിലൂടെ ശ്രദ്ധേയനായ താരമാണ് ഡിനോയ്. ലിജോ മോളാണ് നായിക. മാത്യു തോമസ്, ബൈജു എഴുപുന്ന എന്നിവരാണ് മറ്റു താരങ്ങള്‍.
വിനോദ് ഷൊര്‍ണൂര്‍, ജോമോന്‍ ടി ജോണ്‍, ഷമീര്‍ മുഹമ്മദ് എന്നിവര്‍ ചേര്‍ന്നാണ് വിശുദ്ധ മെജോ നിര്‍മിക്കുന്നത്. ചിത്രത്തിന്‍റെ ഛായാഗ്രണം നിര്‍വഹിച്ചിരിക്കുന്നതും ജോമോന്‍ ടി ജോണാണ്. ഷാഫി ചെമ്മാടാണ് പ്രൊഡക്ഷന്‍ കണ്‍ട്രോളര്‍. ചിത്രം ജൂലൈ 29 ന് തിയറ്ററുകളില്‍ എത്തും.
Adjust Story Font
16
