ബഹ്റൈനിൽ പാണക്കാട് മുഹമ്മദലി ശിഹാബ് തങ്ങള്‍ അനുസ്മരണം

കെ.എം.സി.സി മലപ്പുറം ജില്ലാ കമ്മിറ്റിക്ക് കീഴിൽ നടന്ന പരിപാടിയിൽ നിരവധി പേർ പങ്കെടുത്തു

ബഹ്റൈനിൽ പാണക്കാട് മുഹമ്മദലി ശിഹാബ് തങ്ങള്‍ അനുസ്മരണ പ്രഭാഷണവും ഭാഷാസമര അനുസ്മരണവും സംഘടിപ്പിച്ചു. കെ.എം.സി.സി മലപ്പുറം ജില്ലാ കമ്മിറ്റിക്ക് കീഴിൽ നടന്ന പരിപാടിയിൽ നിരവധി പേർ പങ്കെടുത്തു.

ഭരണം കിട്ടിയ ശേഷം സി.പി എമ്മിന്റെ നിലപാടുകളിലും നയങ്ങളിലും വന്ന മാറ്റം ചെറുതായി കാണാൻ കഴിയില്ലെന്ന് മുസ്ലിം ലീഗ് നേതാവും മുൻ എം.എൽ.എ യുമായ അബ് ദുൽ റഹ് മാൻ രണ്ടത്താണി പറഞ്ഞു.ബഹ് റൈനിൽ കെ.എം.സി സി മലപ്പുറം ജില്ലാഘടകം സംഘടിപ്പിച്ച പരിപാടിയിൽ സംസാരിക്കുകയായിരുന്നു അദ്ദേഹം.പാണക്കാട് മുഹമ്മദലി ശിഹാബ്തങ്ങളെയും ഭാഷാ സമരത്തെയും അനുസ്മരിച്ച് സംഘടിപ്പിച്ച പരിപാടിയിൽ മലപ്പുറം ജില്ലാ പഞ്ചായത്ത് പ്രസിഡന്‍റ് എ.പി. ഉണ്ണികൃഷ്ണന്‍, യു.എ.ഇ. കെ.എം.സി.സി പ്രസിഡന്‍റ് പുത്തൂര്‍ റഹ്മാന്‍ എന്നിവരും അതിഥികളായിരുന്നു. ചടങ്ങിൽ സയ്യിദ് ഫഖ് റുദ്ദീൻ തങ്ങൾ പ്രാർത്ഥന നിർവഹിച്ചു. കെ.എം.സി സി ബഹ് റൈൻ ഘട്കം പ്രസിഡണ്ട് എസ്.വി ജലീൽ , സെക്രട്ടറി അസൈനാർ കളത്തിങ്ങൽ, ഒ.ഐ.സി.സി ദേശീയ സെക്രട്ടറി ബിനു കുന്നന്താനം എന്നിവർ ആശംസകൾ നേർന്നു. കെ.എം.സി.സി മലപ്പുറം ജില്ലാകമ്മിറ്റി നടപ്പാക്കുന്ന വിവിധ ജനസേവന പദ്ധതികളുടെ പ്രഖ്യാപനവും നടന്നു. ജില്ലാ പ്രസിഡന്‍റ് സലാം മമ്പാട്ടുമൂല, പി.പി.റിയാസ്,മുഹമ്മദലി വളാഞ്ചേരി തുടങ്ങിയവർ നേത്യത്വം നൽകി.