ഗള്‍ഫ് പ്രതിസന്ധി നീണ്ടു പോകാന്‍ കാരണം ഉപരോധ രാജ്യങ്ങളുടെ കടുത്ത നിലപാടാണെന്ന് റെക്‌സ് ട്രില്ലേഴ്‌സണ്‍

അമേരിക്കന്‍ വാര്‍ത്താ ഏജന്‍സിയായ ബ്ലൂംബെര്‍ഗിന് നല്‍കിയ അഭിമുഖത്തിലാണ് അദ്ദേഹം ഇങ്ങനെ അഭിപ്രായപ്പെട്ടത്

ഖത്തറിനെതിരെ ഉപരോധമേര്‍പ്പെടുത്തിയതിനെ തുടര്‍ന്നുണ്ടായ ഗള്‍ഫ് പ്രതിസന്ധി നീണ്ടു പോകാന്‍ കാരണം ഉപരോധ രാജ്യങ്ങളുടെ കടുത്ത നിലപാടാണെന്ന് അമേരിക്കന്‍ വിദേശകാര്യ സെക്രട്ടറി റെക്‌സ് ട്രില്ലേഴ്‌സണ്‍ പറഞ്ഞു .അമേരിക്കന്‍ വാര്‍ത്താ ഏജന്‍സിയായ ബ്ലൂംബെര്‍ഗിന് നല്‍കിയ അഭിമുഖത്തിലാണ് അദ്ദേഹം ഇങ്ങനെ അഭിപ്രായപ്പെട്ടത് .

ഖത്തറും സൗദിയുമുള്‍പ്പെടെ തെക്കന്‍ ഏഷ്യന്‍ രാജ്യങ്ങളിലേക്ക് പുറപ്പെടുന്നതിന് തൊട്ട് മുമ്പ് ന്യൂയോര്‍ക്കില്‍ വെച്ചാണ് റെക്‌സ് ട്രില്ലേര്‍സണ്‍ ഗള്‍ഫ് പ്രതിസന്ധി നീണ്ടുപോകുന്നതിനെ കുറിച്ച് പ്രതികരിച്ചത് .ക​ഴി​ഞ്ഞ നാ​ല് മാ​സ​ത്തി​ല​ധി​ക​മാ​യി തു​ട​രു​ന്ന ഉ​പ​രോ​ധം നീ​ളാ​ൻ കാ​ര​ണം ഉ​പ​രോ​ധ രാ​ജ്യ​ങ്ങ​ളു​ടെ ക​ടു​ത്ത നി​ല​പാ​ടു​ക​ളാ​ണെന്നായിരുന്നു ​അ​മേ​രി​ക്ക​ൻ വി​ദേ​ശ​കാ​ര്യ സെ​ക്ര​ട്ട​റിയുടെ പ്ര​സ്​​താ​വ​ന. ഖ​ത്ത​റി​ന് മേ​ൽ ഉ​പ​രോ​ധം പ്ര​ഖ്യാ​പി​ച്ച നാ​ല് രാ​ജ്യ​ങ്ങ​ൾ ഇ​ത് വ​രെ ച​ർ​ച്ച​ക്ക് പോ​ലും ത​യ്യാ​റാ​കാ​ത്ത​ത് പ്ര​ശ്നം സ​ങ്കീ​ർ​ണ​മാ​ക്കി​യ​താ​യി അ​ദ്ദേ​ഹം അ​ഭി​പ്രാ​യ​പ്പെ​ട്ടു. ഖ​ത്ത​ർ ഉ​പ​രോ​ധം നി​ല​വി​ൽ വ​ന്ന​ത് മു​ത​ൽ ച​ർ​ച്ച​ക്ക് ത​യ്യാ​റാ​ണെ​ന്ന് വ്യ​ക്ത​മാ​കി​യ​താ​ണെ​ന്ന് അ​മേ​രി​ക്ക​ൻ വി​ദേ​ശ​കാ​ര്യ സെ​ക്ര​ട്ട​റി വ്യ​ക്ത​മാ​ക്കി. പ​ര​മാ​ധി​കാ​രം അം​ഗീ​ക​രി​ച്ച് ഉ​പാ​ധി​ക​ളി​ല്ലാ​ത്ത ഏ​ത് ച​ർ​ച്ച​ക്കും ത​യ്യാ​റാ​ണെ​ന്ന ഖ​ത്ത​റിന്റെ സ​മീ​പ​നം കൃ​ത്യ​വും വ്യ​ക്ത​വു​മാ​ണ്. ഈ ​നി​ല​പാ​ട് അം​ഗീ​ക​രി​ച്ച് ഈ ​രാ​ജ്യ​ങ്ങ​ൾ കൂ​ടി​യി​രു​ന്നു​ള്ള ച​ർ​ച്ച​ക്ക് ത​യ്യാ​റാ​വു​ക​യാ​ണ് വേ​ണ്ട​തെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു. സ​മീ​പ ഭാ​വ​യി​ൽ ഗ​ൾ​ഫ് പ്ര​തി​സ​ന്ധി അ​വ​സാ​നി​ക്കു​മെ​ന്ന് പ​റ​യാ​നാ​കി​ല്ലെ​ന്ന് ടി​ല്ലേ​ഴ്സ​ൺ വ്യ​ക്ത​മാ​ക്കി. വാ​ഷിം​ഗ്ട​ൻ ഖ​ത്ത​റു​മാ​യും ഉ​പ​രോ​ധ രാ​ജ്യ​ങ്ങ​ളു​മാ​യും നി​ര​ന്ത​രം ബ​ന്ധ​പ്പെ​ട്ട് വ​രി​ക​യാ​ണ്. എ​ത്ര​യും വേ​ഗം പ്ര​തി​സ​ന്ധി പ​രി​ഹ​രി​ക്കാ​നാ​ണ് ത​ങ്ങ​ൾ ആ​ഗ്ര​ഹി​ക്കു​ന്ന​തെ​ന്നും അ​ദ്ദേ​ഹം അ​റി​യി​ച്ചു.അമേരിക്കന്‍ വാര്‍ത്താ ഏജന്‍സിയായ ബ്ലൂംബെര്‍ഗിന് നല്‍കിയ അഭിമുഖത്തിലാണ് അദ്ദേഹം ഇക്കാര്യം പറ​ഞ്ഞ​ത്.