പ്രവാസി ഭാരതീയ പുരസ്കാരം ലഭിച്ചതിന്‍റെ സംതൃപ്തിയില്‍ ഡോ. ആര്‍ സീതാറാം
പ്രവാസി ഭാരതീയ പുരസ്കാരം ലഭിച്ചതിന്‍റെ സംതൃപ്തിയില്‍ ഡോ. ആര്‍ സീതാറാം
രാഷ്ട്രപതി പ്രണബ് കുമാര്‍ മുഖര്‍ജിയില്‍ നിന്ന് ഇന്ന് വൈകീട്ട് സീതാറാം പുരസ്കാരം സ്വീകരിക്കും.
പ്രവാസി ഭാരതീയ പുരസ്കാരം ലഭിച്ചതിന്‍റെ സംതൃപ്തിയില്‍ ദോഹ ബാങ്ക് ഗ്രൂപ്പ് സി.ഇ.ഒ ഡോ. ആര്‍ സീതാറാം. ദുരിതമനുഭവിക്കുന്ന പ്രവാസികള്‍ക്ക് കൂടുതല്‍ തുണയായി മാറാന്‍ അവാര്‍ഡ് പ്രേരണ നല്‍കുന്നതായും അദ്ദേഹം വ്യക്തമാക്കി.
ഇന്ത്യയിലും വിദേശത്തുമായി കോടികളുടെ നിക്ഷേപമുള്ള സ്ഥാപനമാണ് ദോഹ ബാങ്ക് ഗ്രൂപ്പ്. പ്രവാസികള്‍ക്ക് രാജ്യം നല്‍കുന്ന പരമോന്നത പുരസ്കാരത്തിന് അര്‍ഹനായതില്‍ ഏറെ ആഹ്ലാദമുണ്ടെന്ന് സീതാറാം ബംഗളൂരുവില്‍ മീഡിയാ വണിനോട് പറഞ്ഞു.
കേരളം ഉള്‍പ്പെടെ ഇന്ത്യയില്‍ കൂടുതല്‍ മുതല്‍മുടക്കിന് പദ്ധതിയുണ്ടെന്നും അദ്ദേഹം അറിയിച്ചു. മലയാളികളുമായി അടുത്ത ബന്ധം പുലര്‍ത്തുന്ന തന്നെ അവരുടെ കഠിനാധ്വാന മനസാണ് ഏറ്റവും കൂടുതല്‍ ആകര്‍ഷിച്ചതെന്നും അദ്ദേഹം കൂട്ടിച്ചേര്‍ത്തു. രാഷ്ട്രപതി പ്രണബ് കുമാര്‍ മുഖര്‍ജിയില്‍ നിന്ന് ഇന്ന് വൈകീട്ട് സീതാറാം പുരസ്കാരം സ്വീകരിക്കും.
Adjust Story Font
16
