ലേബര്‍ ക്യാമ്പിലെ തൊഴിലാളികള്‍ക്ക് ഓണമൊരുക്കി ദുബൈ ന്യൂ മോഡല്‍ ഇന്ത്യന്‍ സ്കൂളിലെ വിദ്യാര്‍ഥികള്‍
ലേബര്‍ ക്യാമ്പിലെ തൊഴിലാളികള്‍ക്ക് ഓണമൊരുക്കി ദുബൈ ന്യൂ മോഡല്‍ ഇന്ത്യന്‍ സ്കൂളിലെ വിദ്യാര്‍ഥികള്‍
വിദ്യാര്‍ഥികള്‍ക്കൊപ്പം അധ്യാപകരും രക്ഷിതാക്കളും ഇതില്‍ പങ്കാളികളായി
ലേബര്‍ ക്യാമ്പില്‍ കഴിയുന്ന നൂറുകണക്കിന് തൊഴിലാളികള്‍ക്ക് അരിയും പലവ്യജ്ഞനങ്ങളും എത്തിച്ചാണ് ദുബൈ ന്യൂ മോഡല്‍ ഇന്ത്യന്‍ സ്കൂളിലെ വിദ്യാര്‍ഥികള്‍ അവരുടെ ഓണം ഈദ് ആഘോഷം വേറിട്ടതാക്കിയത്. വിദ്യാര്‍ഥികള്‍ക്കൊപ്പം അധ്യാപകരും രക്ഷിതാക്കളും ഇതില്‍ പങ്കാളികളായി.
വാരാന്ത്യ അവധി ദിവസമായിരുന്നിട്ട് കൂടി രാവിലെ തന്നെ വിദ്യാര്‍ഥികള്‍ സോനാപൂരിലെ ലേബര്‍ ക്യാമ്പുകളിലെത്തി. വലിയ ആവേശത്തോടെയാണ് അവര്‍ ഈ ജീവകാരുണ്യപ്രവര്‍ത്തനത്തിന്റെ ഭാഗമായത്. വിവിധ ലേബര്‍ ക്യാമ്പുകളിലായി ആയിരം കിറ്റുകള്‍ ഇവര്‍ തൊഴിലാളികള്‍ക്ക് എത്തിച്ചു. ദുബൈ ന്യൂമോഡല്‍ ഇന്ത്യന്‍ സ്കൂളിലെ സൊലേസ് എന്ന കൂട്ടായ്മയാണ് ഇതിന് അവസരമൊരുക്കിയത്. വനിതകളുടെ ക്യാമ്പില്‍ കിറ്റ് എത്തിക്കാന്‍ പെണ്‍കുട്ടികളും രംഗത്തുണ്ടായിരുന്നു. ചുറ്റുമുള്ളവന്റെ വിശപ്പ് മാറുമ്പോഴാണ് ഓണവും ഈദും ആഘോഷങ്ങളാകുന്നതെന്ന് ഈ വിദ്യാര്‍ഥികള്‍ തിരിച്ചറിയുന്നു.
Adjust Story Font
16
