'കമോണ്‍ കേരള'യുടെ തീം സോംഗ് ഓഡിയോ പ്രകാശനം ദുബൈയില്‍ നടന്നു
'കമോണ്‍ കേരള'യുടെ തീം സോംഗ് ഓഡിയോ പ്രകാശനം ദുബൈയില്‍ നടന്നു
ഹിറ്റ് എഫ്എം റേഡിയോ സ്റ്റേഷനിലൂടെയാണ് ഗാനം പുറത്തിറക്കിയത്
'ഗള്‍ഫ് മാധ്യമം' ഷാര്‍ജയില്‍ സംഘടിപ്പിക്കുന്ന 'കമോണ്‍ കേരള'യുടെ തീം സോങിന്റെ ഓഡിയോ പ്രകാശനം ദുബൈയില്‍ നടന്നു. ഹിറ്റ് എഫ്എം റേഡിയോ സ്റ്റേഷനിലൂടെയാണ് ഗാനം പുറത്തിറക്കിയത്.
രാവിലെ കേരളത്തില്‍ മീഡിയവണ്‍ സ്റ്റുഡിയോയില്‍ പ്രകാശനം ചെയ്ത കമോണ്‍ കേരള തീം സോങ്, ദുബൈയിലെ ഹിറ്റ് 96.7 FM റേഡിയോ സ്റ്റേഷനിലൂടെയാണ് ഗള്‍ഫിലെ റേഡിയോ ശ്രോതാക്കളിലേക്ക് എത്തിയത്. രാവിലെ ബിഗ് ബ്രേക്ക്ഫാസ്റ്റ് ക്ലബ് പരിപാടിക്കിടെയാണ് കമോണ്‍ കേരള തീം സോങ് പ്രക്ഷേപണം ചെയ്തത്. ഗള്‍ഫ് മാധ്യമം സി ഒ ഒ സക്കരിയ്യ മുഹമ്മദ്, ജനറല്‍ മാനേജര്‍ മുഹമ്മദ് റഫീഖ് എന്നിവര്‍ ഷാര്‍ജ എക്സ്പോ സെന്ററില്‍ നടക്കുന്ന കമോണ്‍ കേരള കാര്‍ണിവലിന്റെ വിശദാംശങ്ങള്‍ ശ്രോതാക്കളുമായി പങ്കുവെച്ചു. തീം സോങിന് ഈണമിട്ട സംഗീത സംവിധായകന്‍ ഹിഷാം അബ്ദുല്‍ വഹാബ് ടെലിഫോണില്‍ ചടങ്ങിന്റെ ഭാഗമായി. ഹിറ്റ് എഫ് എം അവതാരകരായ മിഥുന്‍, ജോണ്‍, അര്‍ഫാസ്, നിമ്മി എന്നിവരും സന്നിഹിതരായിരുന്നു.
Adjust Story Font
16
