ഫ്രണ്ട്സ് സോഷ്യല്‍ അസോസിയേഷന്റെ സമ്മര്‍ ക്യാമ്പ് സമാപിച്ചു
ഫ്രണ്ട്സ് സോഷ്യല്‍ അസോസിയേഷന്റെ സമ്മര്‍ ക്യാമ്പ് സമാപിച്ചു
വിനോദവും വിജ്ഞാനവും ലക്ഷ്യമിട്ട പരിപാടികളായിരുന്നു ക്യാമ്പിൽ കുട്ടികൾക്ക് വേണ്ടി ഒരുക്കിയത്
ബഹ്‌റൈനില്‍ കൗമാരക്കാര്‍ക്കായി ഫ്രണ്ട്സ് സോഷ്യല്‍ അസോസിയേഷന്‍ സംഘടിപ്പിച്ച സമ്മര്‍ ക്യാമ്പ് സമാപിച്ചു. വിനോദവും വിജ്ഞാനവും ലക്ഷ്യമിട്ട പരിപാടികളായിരുന്നു ക്യാമ്പില്‍ കുട്ടികള്‍ക്ക് വേണ്ടി ഒരുക്കിയത്.
'കോംപാസ് എന്ന് പേരില്‍ സംഘടിപ്പിച്ച കുട്ടികള്‍ക്കായുള്ള വേനല്‍ക്കാല ക്യാമ്പ് ഫ്രണ്ട്സ് സോഷ്യല്‍ അസോസിയേഷന്‍ പ്രസിഡണ്ട് ജമാല്‍ നദ് വി ഉദ്ഘാടനം ചെയ്തു. രണ്ട് ദിവസങ്ങളിലായി നടന്ന ക്യാമ്പില്‍ രാവിലെ ഒമ്പത് മണി മുതല്‍ അഞ്ച് മണി വരെ വിജ്ഞാനപ്രദവും വിനോദപ്രദവുമായ നിരവധി പരിപാടികളാണ്ഒരുക്കിയത്. വിവിധ സെഷനുകളിലായി പ്രഗല്‍ഭര്‍ നേത്യത്വം നല്‍കിയ ക്യാമ്പില്‍ പഠനക്ലാസുകളും വിനോദ പരിപാടികളും ഗെയിംസ് ഇനങ്ങളുമുണ്ടായിരുന്നു.ഹസീബ് അബ്ദുല്‍ റഹ്മാന്‍, യൂനുസ് സലീം, ദിനേശ് കുറ്റിയില്‍, ഫര്‍ഹത്ത് അല്‍ കിന്ദി, ആസിഫ് ഉസ്മാന്‍, ഫഹീം ഖാന്‍, അര്‍ഷിയാന്‍, ഇ.കെ.സലീം, മര്‍ഗൂബ് തുടങ്ങിയവര്‍ വിവിധ സെഷനുകള്‍ക്ക് നേതൃത്വം നല്‍കി.. വെസ്റ്റ് റിഫയിലെ 'ദിശ'സെന്ററില്‍ നടന്ന പരിപാടിയുടെ സമാപന സെഷനില്‍ പ്രോഗ്രാം കണ്‍ വീനര്‍ യൂനുസ് മാസ്റ്റര്‍, എം.അബ്ബാസ്, മുഹ്‌സിന അബ്ദുല്‍ മജീദ് തുടങ്ങിയവര്‍ സംസാരിച്ചു. ഫാജിഷ്,ഗഫൂര്‍, റിയാസ്,ഷഫീഖ്, അബ്ദുല്‍ അസീസ്, ഷംല ഷരീഫ് തുടങ്ങിയവര്‍ നേതൃത്വം നല്‍കി.
Adjust Story Font
16
