പാണക്കാട് മുഹമ്മദലി ശിഹാബ് തങ്ങളുടെ ഓര്‍മ പുതുക്കി ദുബൈയില്‍ അന്താരാഷ്ട്ര സെമിനാര്‍
പാണക്കാട് മുഹമ്മദലി ശിഹാബ് തങ്ങളുടെ ഓര്‍മ പുതുക്കി ദുബൈയില്‍ അന്താരാഷ്ട്ര സെമിനാര്‍
വിവിധ തുറകളില്‍ നിന്നുള്ള നിരവധി പ്രഗല്‍ഭരുടെ സാന്നിധ്യം കൊണ്ട് ശ്രദ്ധേയമായിരുന്നു ചടങ്ങ്
മുസ്ലിം ലീഗ് നേതാവായിരുന്ന പാണക്കാട് മുഹമ്മദലി ശിഹാബ് തങ്ങളുടെ ഓര്‍മ പുതുക്കി ദുബൈയില്‍ അന്താരാഷ്ട്ര സെമിനാര്‍. വിവിധ തുറകളില്‍ നിന്നുള്ള നിരവധി പ്രഗല്‍ഭരുടെ സാന്നിധ്യം കൊണ്ട് ശ്രദ്ധേയമായിരുന്നു ചടങ്ങ്.
കെയ്റോ സര്‍വകലാശാലയില്‍ മുഹമ്മദലി ശിഹാബ് തങ്ങള്‍ക്കൊപ്പമുണ്ടായിരുന്ന ഡോ: മുഹമ്മദ് ശുഹൈബ് നഗ്രമിയായിരുന്നു ചടങ്ങിലെ പ്രധാന അതിഥി. അഞ്ചു വര്‍ഷത്തെ കെയ്റോ പഠന കാലത്ത് മുഹമ്മദലി ശിഹാബ് തങ്ങളെ അടുത്തറിയാന്‍ സാധിച്ചതിന്റെ അനുഭവങ്ങള്‍ അദ്ദേഹം പങ്കുവെച്ചു. മുനവ്വറലി ശിഹാബ് തങ്ങള്‍, ബഷീറലി ശിഹാബ് തങ്ങള്‍ എന്നിവരുടെ സാന്നിധ്യത്തിലായിരുന്നു നഗ്രമിയുടെ പ്രഭാഷണം. ദുബൈ മലപ്പുറം ജില്ലാ കെ.എം.സി.സി സംഘടിപ്പിച്ച സയ്യദ് ശിഹാബ് ഇന്റര്‍നാഷണല്‍ സമ്മിറ്റില്‍ പ്രൊഫ. സജ്ജാദ് ഇബ്രാഹിം മുഖ്യ പ്രഭാഷണം നടത്തി. മുസ്ലിം ലോകം നേരിടുന്ന പ്രധാന വെല്ലുവിളികള്‍ നേരിടാന്‍ സാമുദായിക ഐക്യം അനിവാര്യമാണെന്ന് അദ്ദേഹം പറഞ്ഞു.
ഹോളി ഖുര്‍ആന്‍ മീഡിയ മേധാവി അഹമ്മദ് സായിദ്, എ.പി ഷംസുദ്ദീന്‍ ബിന്‍ മോഹിയുദ്ദീന്‍, ഡോ: പി.എ ഇബ്രാഹിം ഹാജി, പുത്തൂര്‍ റഹ്മാന്‍, പി.കെ അന്‍വര്‍ നഹ, പാറപ്പുറത്ത് മൊയ്തീന്‍ ഹാജി, ചെമ്മുക്കന്‍ യാഹുമോന്‍, അഷ്റഫ് താമരശ്ശേരി, അഡ്വ:സാജിദ് അബൂബക്കര്‍, എ.സി ഇസ്മായില്‍, മുസ്തഫ തിരൂര്‍, ആര്‍.ശുക്കൂര്‍ എന്നിവര്‍ സംസാരിച്ചു.
Adjust Story Font
16
