ഹാദിയ കേസില്‍ ഹൈക്കോടതി വിധി വേദനാജനകം; എം.എം അക്‍ബര്‍

ഇത്​ സങ്കടകരമാണ്​. മതനിരപേക്ഷമെന്ന്​ പറയുന്ന നമ്മുടെ പൊതുസമൂഹം ആ വിധിയിൽ നിശബ്​ദത പാലിക്കുന്നത്​ അപകടകരമായ സാമൂഹിക അവസ്​ഥയെയാണ്​ ​ സൂചിപ്പിക്കുന്നതെന്നും അദ്ദേഹം ചൂണ്ടിക്കാട്ടി

പ്രായപൂർത്തിയായ പെൺകുട്ടി ഇഷ്​ടപ്പെട്ട പുരുഷ​െനെ വിവാഹം ചെയ്​തത്​ അസാധുവാക്കി കേരള ഹൈക്കോടതി പുറപ്പെടുവിച്ച വിധി വേദനാജനകമെന്ന്​ നിച്ച് ഓഫ് ട്രൂത്ത് ഡയറക്ടര്‍ എം.എം. അക്ബർ. ദുബൈയിൽ വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം.

23 വയസ്സുള്ള ഡോക്​ടറായ യുവതി സ്വന്തം ഇഷ്​ടം പ്രകാരം ഇസ്​ലാം സ്വീകരിക്കുകയും അവർക്കിഷ്​ടപ്പെട്ട പുരുഷനെ വിവാഹം ചെയ്യുകയുമാണുണ്ടായത്​. എന്നാൽ പിതാവിന്റെ ഹരജിയിൽ ഭർത്താവിനെ ഉപേക്ഷിച്ച്​ മാതാപിതാക്കളുടെ കൂടെ പോകാനാണ്​ ഹൈകോടതി ഉത്തരവിട്ടത്​. ഇത്​ സങ്കടകരമാണ്​. മതനിരപേക്ഷമെന്ന്​ പറയുന്ന നമ്മുടെ പൊതുസമൂഹം ആ വിധിയിൽ നിശബ്​ദത പാലിക്കുന്നത്​ അപകടകരമായ സാമൂഹിക അവസ്​ഥയെയാണ്​ ​ സൂചിപ്പിക്കുന്നതെന്നും അദ്ദേഹം ചൂണ്ടിക്കാട്ടി.

ദുബൈ ഹോളി ഖുര്‍ആന്‍ അവാര്‍ഡ് കമ്മിറ്റിയുടെ റമദാൻ പ്രഭാഷണ പരമ്പരയുടെ ഭാഗമായി ജൂൺ ഒന്നിന്​ രാത്രി പത്തിന്​ ദുബൈ അൽനാസർ ലിഷർലാൻറിൽ എം.എം.അക്​ബറി​ന്റെ പ്രസംഗം നടക്കും. 'ഖുർആൻ കാരുണ്യത്തിന്റെയും നീതിയുടെയും' വിഷയത്തിൽ സുബൈർ പീടിയേക്കലും സംസാരിക്കും. പി.എ ഹുസൈൻ ഫുജൈറ, വി.കെ സകരിയ്യ, അഹ്​മദ്​ കുട്ടി മദനി, അബ്​ദുർറഹ്​മാൻ ചീക്കുന്ന്​, അബ്​ദുൽ വാഹിദ്​ മയ്യേരി, ജാഫർ സാദിഖ്, അബ്​ദുന്നസീർ പി.എ, അബ്​ദുന്നാസർ വയനാട്​ എന്നിവരും വാർത്താ സമ്മേളനത്തിൽ സംബന്ധിച്ചു.