കെ.എം.സി.സി രാഷ്ട്രസേവാ പുരസ്കാരം ഇ.ടി മുഹമ്മദ് ബഷീർ എം.പിക്ക്

മുൻ മുഖ്യമന്ത്രി സിഎച്ച് മുഹമ്മദ്കോയയുടെ ഓർമക്ക് ദുബൈ കെ എം സി സി കോഴിക്കോട് ജില്ലാ കമ്മിറ്റി ഏർപ്പെടുത്തിയ രാഷ്ട്രസേവാ പുരസ്കാരം ഇ.ടി മുഹമ്മദ് ബഷീർ എം.പിക്ക് സമ്മാനിക്കും. ശനിയാഴ്ച ദുബൈ അൽ ബറാഹ ഗവൺമെന്റ് വിമൻസ് അസോസിയേഷൻ ആസ്ഥാനത്താണ് അവാർഡ് ദാന ചടങ്ങ് നടക്കുക. ലീ​ഗ് നേതാക്കളായ കെ.എം ഷാജി, അഡ്വ. ഫൈസൽ ബാബു, എം.എ റസാഖ് മാസ്റ്റർ തുടങ്ങിയവർ പരിപാടിയിൽ പങ്കെടുക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു.. കോഴിക്കോട് ജില്ലാ കെഎംസിസി പ്രസിഡണ്ട് ഇസ്മായിൽ ഏറാമല, കെ.പി മുഹമ്മദ്, നജീബ് തച്ചംപൊയിൽ, നാസർ മുല്ലയ്ക്കൽ, മൊയ്തു അരൂർ തുടങ്ങിയവർ വാർത്താസമ്മേളനത്തിൽ പങ്കെടുത്തു.