ബഹ്റൈനിൽ സംയുക്​ത സുരക്ഷാ പരിശീലനത്തിന്​ തുടക്കമായി

ബഹ്റൈനിൽ ആഭ്യന്തര മന്ത്രാലയത്തിൽ സംയുക്​ത സുരക്ഷാ പരിശീലനത്തിന്​ കഴിഞ്ഞ ദിവസം തുടക്കമായി. പബ്ലിക്​ സെക്യൂരിറ്റി ചീഫ്​ മേജർ ജനറൽ താരിഖ്​ ബിൻ ഹസൻ അൽ ഹസൻ ചടങ്ങ്​ ഉദ്​ഘാടനം ചെയ്​തു.

പബ്ലിക്​ സെക്യുരിറ്റി ഓഫീസേഴ്​സ്​ ക്ലബിൽ സംഘടിപ്പിച്ച പരി​ശീലനത്തിൽ ആഭ്യന്തര മന്ത്രാലയത്തിന്​ കീഴിലെ വിവിധ അതോറിറ്റികളിലെയും ഡയറക്​ടറേറ്റുകളിലെയും പ്രതിനിധികളാണ്​ പ​ങ്കെടുക്കുന്നത്​.

ചടങ്ങിൽ പബ്ലിക്​ സെക്യുരിറ്റി അസി. ചീഫ്​ ഡോ. ശൈഖ്​ ഹമദ്​ ബിൻ മുഹമ്മദ്​ ആൽ ഖലീഫയും സന്നിഹിതനായിരുന്നു.