ബഹറൈനില്‍ പഞ്ചതായമ്പക അരങ്ങേറ്റം സംഘടിപ്പിച്ചു
ബഹറൈനില്‍ സോപാനം വാദ്യകലാസംഘം പഞ്ചതായമ്പക അരങ്ങേറ്റം സംഘടിപ്പിച്ചു. അഞ്ച് വാദ്യകലാകാരന്മാര്‍ തായമ്പകയില്‍ അരങ്ങേറി. കോവിഡ് പ്രതിസന്ധിക്കിടയിലും പഠന പരിശീലനം നേടിയ ആതിര, വിജയകുമാര്‍, വൈഷ്ണവ്ലാജി, സുരേഷ് കുമാര്‍, വൈശാഖ്, അമൃതേഷ് എന്നിവരാണു സോപാനം ഗുരു സന്തോഷ് കൈലാസിന്റെ ശിഷ്യത്വത്തില്‍ അരങ്ങേറിയത്. സന്തോഷ് കൈലാസിന്റെ ഗുരു പ്രശസ്ത വാദ്യകലാകാരന്‍ കാഞ്ഞിലശേരി പത്മനാഭന്‍ മുഖ്യാതിഥിയായി.
ബഹറിന്‍ ഇന്ത്യന്‍ ക്ലബിലാണ് അരങ്ങേറ്റ ചടങ്ങുകള്‍ നടന്നത്. ഓച്ചിറ ഉണ്ണികൃഷ്ണന്റെ നാദസ്വര കച്ചേരിയോടെ ആരംഭിച്ച അരങ്ങ് ഗുരു കാഞ്ഞിലശേരി പത്മനാഭന്‍ ഉദ്ഘാടനം ചെയ്തു. ഇന്ത്യന്‍ ക്ലബ്ബ് പ്രസിഡന്റ് ശ്രീ. സതീഷ്, സോപാനം, പ്രതിനിധികളായ ശ്രീ അനില്‍മാരാര്‍, ചന്ദ്രശേഖരന്‍, ജ്യോതിമേനോന്‍ എന്നിവര്‍ ചടങ്ങില്‍ ആശംസകള്‍ അര്‍പ്പിച്ചു.
Next Story
Adjust Story Font
16
