സൗദി സ്ഥാപക ദിനം: ബഹ്റൈൻ പാർലമെന്‍റ് ആശംസകൾ നേർന്നു
സൗദി സ്ഥാപക ദിനത്തോടനുബന്ധിച്ച് ബഹ്റൈൻ പാർലമെന്‍റ് സൗദി ഭരണാധികാരികൾക്കും ജനതക്കും ആശംസകൾ നേർന്നു.
എല്ലാ മേഖലകളിലും വളർച്ചയും പുരോഗതിയും നേടാൻ സൗദി ജനതക്ക് സാധിച്ചതിന്‍റെ ഓർമ പുതുക്കൽ നടക്കുന്ന വേളയാണിത്. ബഹ്റൈനും സൗദിക്കുമിടയിൽ നിലനിൽക്കുന്ന ശക്തമായ ബന്ധത്തിന് ഓരോ ദനിം കൂടുന്തോറും വ്യാപ്തി വർധിച്ചു കൊണ്ടിരിക്കുന്നത് സന്തോഷകരമാണ്. ഇരു രാജ്യങ്ങളിലെയും ജനതകൾക്കിടയിൽ നിലനിൽക്കുന്ന സാഹോദര്യ ബന്ധവും അഭിമാനകരമാണ്.
സൗദി ഭരണാധികാരി കിങ് സൽമാൻ ബിൻ അബ്ദുൽ അസീസ് അൽ സുഊദിനും കിരീടാവകാശി പ്രിൻസ് മുഹമ്മദ് ബിൻ സൽമാൻ ബിൻ അബ്ദുൽ അസീസ് അൽ സുഊദിനും കീഴിൽ രാജ്യം ഏറെ വളർച്ച കൈവരിച്ചതായും പാർലമെന്‍റ് അധ്യക്ഷ ഫൗസിയ ബിൻത് അബ്ദുല്ല സൈനൽ ഇറക്കിയ ആശംസാ കുറിപ്പിൽ വ്യക്തമാക്കി.
Next Story
Adjust Story Font
16
