കെ.പി.എ സോഫ്റ്റ് ബോള്‍ ക്രിക്കറ്റ് ടൂര്‍ണമെന്റില്‍ ഷഹീന്‍ ഗ്രൂപ്പ് ജേതാക്കളായി
ബഹ്‌റൈനില്‍ കൊല്ലം പ്രവാസി അസോസിയേഷന്‍ ബഹ്റൈന്‍ സ്‌പോര്‍ട്‌സ് വിങ്ങിന്റെ ആഭിമുഖ്യത്തില്‍ സംഘടിപ്പിച്ച സോഫ്റ്റ്‌ബോള്‍ ക്രിക്കറ്റ് ടൂര്‍ണമെന്റില്‍ ഷഹീന്‍ ഗ്രൂപ്പ് ജേതാക്കളായി. ജുഫൈര്‍ അല്‍ നജ്മ ക്ലബ് ഗ്രൗണ്ടില്‍ നടന്ന വാശിയേറിയ ഫൈനല്‍ മത്സരത്തില്‍ അവസാന പന്തിലാണ് അബു സാദ് ടീമിനെ ഷഹീന്‍ ഗ്രൂപ്പ് മുട്ടുകുത്തിച്ചത്. വിജയികള്‍ക്ക് ബഹ്റൈന്‍ ക്രിക്കറ്റ് ഫെഡറേഷന്‍ അഡൈ്വസറി ചെയര്‍മാന്‍ മുഹമ്മദ് മന്‍സൂര്‍ ട്രോഫികളും, ക്യാഷ് അവാര്‍ഡും സമ്മാനിച്ചു.
ബി.സി.എഫ് ഭാരവാഹികളായ നൗഷാദ്, ആദില്‍, തൗഫീഖ്, അസിസ്സ്, മോഡേണ്‍ മെക്കാനിക്കല്‍ ജി.എം ബാബു സക്കറിയ, അല്‍ ഹിലാല്‍ ഹോസ്പിറ്റല്‍ പ്രതിനിധി ടോണി, എന്‍.ഇ.സി പ്രതിനിധി പ്രജില്‍ പ്രസന്നന്‍, കെ.പി.എ പ്രസിഡന്റ് നിസ്സാര്‍ കൊല്ലം, ജനറല്‍ സെക്രട്ടറി ജഗത് കൃഷ്ണകുമാര്‍, സെക്രെട്ടറിയേറ്റ് കമ്മിറ്റി അംഗങ്ങളായ രാജ് കൃഷ്ണന്‍, വിനു ക്രിസ്ടി, കിഷോര്‍ കുമാര്‍, സ്‌പോര്‍ട്‌സ് വിങ് കോഡിനേറ്റര്‍മാരായ സജീവ് ആയൂര്‍, നാരായണന്‍, ക്രിക്കറ്റ് ഡിവിഷന്‍ കണ്‍വീനര്‍ വിനീത് അലക്‌സാണ്ടര്‍, ഷാന്‍ അഷറഫ്, ബോജി രാജന്‍ മറ്റ് സെന്‍ട്രല്‍-ഏരിയ കമ്മറ്റി എക്‌സിക്യൂട്ടീവ്‌സ്, വനിതാ വേദി അംഗങ്ങള്‍ തുടങ്ങിയവര്‍ ചടങ്ങില്‍ പങ്കെടുത്തു.
Adjust Story Font
16
