പൈതൃക, സാംസ്​കാരിക അതോറിറ്റിയും ബഹ്​റൈൻ ട്രെയ്​നിങ്​ സെൻററും സഹകരിക്കും

മനാമ: കരകൗ​ശല മേഖലയിൽ പരിശീലനം നൽകുന്നതിനായി ബഹ്​റൈൻ പൈതൃക, സാംസ്​കാരിക അതോറിറ്റിയും ബഹ്​റൈൻ ട്രെയ്​നിങ്​ സെൻററും​ പരസ്​പര സഹകരണത്തിന് ധാരണ. ഇത്​ സംബന്ധിച്ച കരാറിൽ ഇരു വിഭാഗവും തമ്മിൽ കഴിഞ്ഞ ദിവസം ഒപ്പുവെച്ചു.

ആർട്ട്​ ആൻറ്​ കൾച്ചറൽ വിഭാഗം ഡയരക്​ടർ ശൈഖ ഹല ബിൻത്​ മുഹമ്മദ്​ ആൽ ഖലീഫ ബഹ്​റൈൻ പൈതൃക, സാംസ്​കാരിക ​അതോറിറ്റിയെ പ്രതിനിധീകരിച്ചും ദിയാന ഫൈസൽ സർഹാൻ ബഹ്​റൈൻ ട്രെയ്​നിങ്​ സെൻററിനെ പ്രതിനിധീകരിച്ചും കരാറിൽ ഒപ്പുവെച്ചു. രാജ്യത്തെ പരമ്പരാഗത കരകൗശല മേഖലയിൽ പരിശീലനം നൽകി കഴിവുറ്റവരെ വളർത്തിയെടുക്കുന്നതാണ്​ പദ്ധതി.

ബഹ്​റൈ​ൻ പൈതൃകവും തനതായ സംസ്​കാരവും സംരക്ഷിക്കുന്നതി​െൻറ ഭാഗമായാണ്​ കരാറെന്ന്​ ശൈഖ ഹല വ്യക്​തമാക്കി. അതോറിറ്റിയുമായി സഹകരിക്കുന്നതിൽ ട്രെയ്​നിങ്​ ഇൻസ്​റ്റിറ്റ്യൂട്ടിന്​ അതിയായ സന്തോഷമുണ്ടെന്ന്​ ദിയാന ഫൈസൽ സർഹാൻ വ്യക്​തമാക്കി.