കുവൈത്തില്‍ ജൂണ്‍ വരെ അറസ്റ്റു ചെയ്തത് 3,009 പേരെ

കുവൈത്തില്‍ ഈ വര്‍ഷം ജനുവരി മുതല്‍ ജൂണ്‍ വരെയുള്ള കാലയളവില്‍ 3,009 ആളുകളെ പോലീസ് റെസ്‌ക്യൂ പട്രോളിംഗ് ടീം അറസ്റ്റു ചെയ്തതായി അഭ്യന്തര മന്ത്രാലയം അറിയിച്ചു.

അറസ്റ്റ് ചെയ്തവരെ തുടര്‍ നടപടികള്‍ക്കായി പ്രോസിക്യൂഷനാണ് കൈമാറിയത്. അതിനിടെ രാജ്യത്ത് താമസ നിയമ ലംഘകർക്കെതിരെയുള്ള സുരക്ഷാ പരിശോധന തുടരുന്നു.

കഴിഞ്ഞ ദിവസങ്ങളില്‍ അബ്ബാസിയ , ഫർവാനിയ, ഷുവൈഖ് തുടങ്ങിയ പ്രദേശങ്ങളിൽ നടത്തിയ സുരക്ഷാ പരിശോധനയിൽ 64 താമസ നിയമ ലംഘകർ പിടിയിലായതായി ആഭ്യന്തര മന്ത്രാലയം അറിയിച്ചു. ജനറൽ ഡിപ്പാർട്ട്‌മെന്റ് ഓഫ് റെസിഡൻസ് അഫയേഴ്‌സ് ഇൻവെസ്റ്റിഗേഷൻസിന്റെ നേതൃത്വത്തിലാണ് പരിശോധന നടത്തിയത്. പിടിയിലായവരെ ബന്ധപ്പെട്ട അധികാരികൾക്ക് റഫര്‍ ചെയ്തതായി മന്ത്രാലയം അറിയിച്ചു.