സംഘം ചേർന്ന് പ്രവാസികളെ കൊള്ളയടിക്കൽ: കുവൈത്തിൽ നാല് പ്രവാസികൾ അറസ്റ്റിൽ

കുവൈത്ത് സിറ്റി: സംഘം ചേർന്ന് പ്രവാസികളെ കൊള്ളയടിച്ച നാല് പ്രവാസികൾ കുവൈത്തിൽ പിടിയിൽ. ക്യാപിറ്റൽ ഗവർണറേറ്റിന്റെ വിവിധ മേഖലകളായ ഷുവൈഖ് ഇൻഡസ്ട്രിയൽ ഏരിയ, മിർഖാബ്, ഈസ്റ്റ്, സൽഹിയ എന്നിവിടങ്ങളിൽ കവർച്ച നടത്തിയ സംഘത്തെ ആഭ്യന്തര മന്ത്രാലത്തിന്റെ അന്വേഷണ വിഭാഗമാണ് പിടികൂടിയത്. ഏതാനും ആഴ്ചകൾക്കിടെ ഏഴ് കുറ്റകൃത്യങ്ങൾ ചെയ്തതായി പ്രതികൾ പറഞ്ഞു.

തലസ്ഥാനത്തെ അന്വേഷണ വകുപ്പിന് പ്രതികളെ കുറിച്ച് രഹസ്യവിവരം ലഭിച്ചതിനെത്തുടർന്ന് ടാസ്‌ക് ഫോഴ്സ് രൂപീകരിക്കുകയും കുറ്റകൃത്യങ്ങൾ നടക്കാൻ സാധ്യതയുള്ള സ്ഥലങ്ങളിൽ ഡിറ്റക്ടീവുകളെ തന്ത്രപരമായി വിന്യസിക്കുകയും ചെയ്തിരുന്നതായി ഒരു സുരക്ഷാ സ്രോതസ്സിനെ ഉദ്ധരിച്ച് അറബ് ടൈംസ് ഓൺലൈൻ റിപ്പോർട്ട് ചെയ്തു. പ്രതികളെ പിന്തുടർന്ന ഉദ്യോഗസ്ഥർ സംഘം ഒരു പ്രവാസിയെ കൊള്ളയടിക്കുന്നത് കണ്ടു. സംഘാംഗങ്ങളെ ഉടനടി അറസ്റ്റ് ചെയ്തു. ഇരയെ നിലത്ത് വീഴ്ത്തി പണവും മൊബൈൽ ഫോണുകളും കവരുകയായിരുന്നു പ്രതികൾ. കടുത്ത ചെറുത്തുനിൽപ്പിന് ശേഷമാണ് ക്യാപിറ്റൽ ഇൻവെസ്റ്റിഗേഷൻ ഡിപ്പാർട്ട്മെന്റ് പ്രതികളെ അറസ്റ്റ് ചെയ്തത്.

ഏഷ്യൻ പ്രവാസികൾക്കെതിരെ കവർച്ച നടത്താറുണ്ടെന്നും വാരാന്ത്യങ്ങളിൽ സജീവമാണെന്നും ഇവർ പിന്നീട് സമ്മതിച്ചു. വീടുകളിൽനിന്ന് ദൂരെയുള്ള സ്ഥലങ്ങളിൽ കുറ്റകൃത്യങ്ങൾ ചെയ്താൽ പിടിക്കപ്പെടില്ലെന്ന് വിശ്വസിച്ചാണ് തങ്ങൾ താമസിക്കുന്ന മഹ്ബൂലയിൽ നിന്ന് നഗരത്തിലേക്ക് വരുന്നതെന്ന് സംഘം സമ്മതിച്ചതായി ബന്ധപ്പെട്ടവർ പറഞ്ഞു. അർദ്ധരാത്രിക്ക് ശേഷമാണ് കുറ്റകൃത്യങ്ങൾ ചെയ്യാറുള്ളതെന്നും സുരക്ഷ കുറഞ്ഞ കെട്ടിടങ്ങളിലെ പ്രവാസികളെയാണ് തിരഞ്ഞെടുത്തിരുന്നതെന്നും പ്രതികൾ പറഞ്ഞു. പ്രതികളിലൊരാൾ ഇനി തടഞ്ഞുനിർത്തി അയാളുടെ കൈവശമുള്ള പണവും മൊബൈൽ ഫോണും മോഷ്ടിക്കുമെന്നും മറ്റുള്ളവർ പ്രദേശം വ്യക്തവും നിരീക്ഷിക്കുമെന്നും അവർ കൂട്ടിച്ചേർത്തു. പരേഡിൽ കുറ്റവാളികളെ നിരവധി ഇരകൾ തിരിച്ചറിഞ്ഞു. പ്രതികളായ നാല് പ്രവാസികളെയും പബ്ലിക് പ്രോസിക്യൂഷന് റഫർ ചെയ്തു.