സ്വാതന്ത്ര്യ ദിനത്തിൽ യു.എസ് പ്രസിഡന്റ് ജോസഫ് ബൈഡന് ആശംസകള്‍ നേര്‍ന്ന് കുവൈത്ത്

അമേരിക്കയുടെ 247-ാമത് സ്വാതന്ത്ര്യ ദിനത്തിൽ യു.എസ് പ്രസിഡന്റ് ജോസഫ് ബൈഡന് കുവൈത്ത് ആശംസകള്‍ നേര്‍ന്നു. കുവൈത്ത് അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹ്, കിരീടാവകാശി , പ്രധാനമന്ത്രി എന്നിവർ യു.എസ് പ്രസിഡന്റ് ജോസഫ് ബൈഡന് ആശംസാ സന്ദേശമയച്ചു.

യു.എസ് പ്രസിഡന്റിന് ക്ഷേമവും ആരോഗ്യവും നേർന്ന അമീർ, യു.എസിനും ജനങ്ങൾക്കും കൂടുതൽ പുരോഗതിയും വികസനവും കൈവരട്ടെയെന്നും ആശംസിച്ചു. കുവൈത്തിനെയും യു.എസിനെയും ബന്ധിപ്പിക്കുന്ന ചരിത്രപരവും തന്ത്രപരവുമായ ബന്ധങ്ങൾ അമീർ സൂചിപ്പിച്ചു.