സുഡാനിൽ ദുരിതമനുഭവിക്കുന്നവർക്ക് സഹായമെത്തിക്കാൻ കുവൈത്ത് റെഡ് ക്രസന്റ്

ആഭ്യന്തര സംഘർഷം രൂക്ഷമായ സുഡാനിൽ ദുരിതമനുഭവിക്കുന്നവർക്കായി കുവൈത്ത് റെഡ് ക്രസന്റ് സൊസൈറ്റി സഹായം എത്തിക്കുന്നു.

ഇതിനായുള്ള സംഭാവനാ കാമ്പയിന് തുടക്കമായതായി കെ.ആർ.സി.എസ് ഡയറക്ടർ ബോർഡ് ചെയർമാൻ ഡോ. ഹിലാൽ അൽ സയർ പറഞ്ഞു. വെബ്സൈറ്റ് വഴിയോ കെ-നെറ്റ് വഴിയോ സംഭാവന നൽകാം. ദുരന്തങ്ങളാൽ ദുരിതമനുഭവിക്കുന്നവർക്ക് സഹായം നൽകുന്നതിൽ കുവൈത്ത് എപ്പോഴും സജീവമാണെന്ന് അദ്ദേഹം പറഞ്ഞു. സുഡാനിലേക്ക് ദുരിതാശ്വാസവും വൈദ്യസഹായവും നൽകുന്ന എല്ലാവരെയും അൽ സയർ അഭിനന്ദിച്ചു.