ഇറാൻ പ്രസിഡൻറിന്റെ വിയോഗത്തിൽ അനുശോചിച്ച് കുവൈത്ത് അമീറും പ്രധാനമന്ത്രിയും

കുവൈത്ത് സിറ്റി: ഇറാൻ പ്രസിഡൻറ് ഇബ്രാഹിം റഈസി, വിദേശകാര്യ മന്ത്രി ഹുസൈൻ അമീർ അബ്ദുല്ലഹിയാൻ എന്നിവരുടെയും പ്രതിനിധി സംഘത്തിന്റെയും വിയോഗത്തിൽ കുവൈത്ത് അനുശോചിച്ചു. ഇറാൻ പ്രസിഡൻറിന്റെ വിയോഗത്തിൽ അനുശോചിച്ച് കുവൈത്ത് അമീർ ഇറാൻ ആക്ടിംഗ് പ്രസിഡന്റ് മുഹമ്മദ് മൊഖ്ബറിന് സന്ദേശമയച്ചു.

മരിച്ചവരുടെ കുടുംബങ്ങളെയും അമീർ അനുശോചനം അറിയിച്ചിട്ടുണ്ട്. കുവൈത്ത് പ്രധാനമന്ത്രിയും ഇറാൻ ആക്ടിംഗ് പ്രസിഡന്റ് മുഹമ്മദ് മൊഖ്ബറിന് അനുശോചന സന്ദേശം അയച്ചു. മരിച്ചവരുടെ ബന്ധുക്കൾക്കും ഇറാൻ ജനതക്കും സന്ദേശത്തിൽ പ്രധാനമന്ത്രി ക്ഷമയും ആശ്വാസവും നേർന്നു.