കുവൈത്തിലെ പേൾ ഡൈവിംഗ് ഫെസ്റ്റിവൽ ആഗസ്റ്റ് 10 മുതൽ 15 വരെ
![കുവൈത്തിലെ പേൾ ഡൈവിംഗ് ഫെസ്റ്റിവൽ ആഗസ്റ്റ് 10 മുതൽ 15 വരെ കുവൈത്തിലെ പേൾ ഡൈവിംഗ് ഫെസ്റ്റിവൽ ആഗസ്റ്റ് 10 മുതൽ 15 വരെ](https://www.mediaoneonline.com/h-upload/2024/07/25/1435138-089.webp)
കുവൈത്ത് സിറ്റി: കുവൈത്ത് മറൈൻ സ്പോർട്സ് ക്ലബ് സംഘടിപ്പിക്കുന്ന 33-ാമത് പേൾ ഡൈവിംഗ് ഫെസ്റ്റിവൽ ആഗസ്റ്റ് 10 മുതൽ 15 വരെ നടത്തും. പായ് കപ്പലുകൾ ആഗസ്റ്റ് 10ന് രാവിലെ പുറപ്പെടും. തുടർന്ന് ആഗസ്ത് 15 വ്യാഴാഴ്ച വൈകുന്നേരം അഞ്ചു മണിക്ക് കപ്പലുകൾ തിരിച്ചെത്തും. അൽ ഗഫൽ' എന്നറിയപ്പെടുന്ന ഈ ദിനം വിവിധ പരിപാടികളോടെ ആഘോഷിക്കും.
സമാപനദിനത്തിൽ വിവിധ ചടങ്ങുകളും സംഘടിപ്പിക്കും. 15നും 19നും ഇടയിൽ പ്രായമുള്ള കുവൈത്ത് യുവാക്കൾക്കളാണ് പേൾ ഡൈവിംഗ് ഫെസ്റ്റിവലിൽ പങ്കെടുക്കുക. ഫെസ്റ്റിവലിന്റെ രജിസ്ട്രേഷൻ ആരംഭിച്ചിട്ടുണ്ട്. രാജ്യത്തിന്റെ സമുദ്ര പൈതൃകവും ജനങ്ങളുടെ ഉപജീവിതമാർഗവും പുനരാവിഷ്കരിക്കുന്നതാണ് പേൾ ഡൈവിംഗ് ഫെസ്റ്റിവൽ.
Next Story
Adjust Story Font
16