ഒമാനിലെ ഇന്ത്യൻ സ്‌കൂൾ നിസ്‌വയിലെ വിദ്യാർഥി മരിച്ചു

മസ്കത്ത്: ഒമാനിലെ ഇന്ത്യൻ സ്‌കൂൾ നിസ്‌വയിലെ വിദ്യാർഥി മരിച്ചു. ഒന്നാം ക്ലാസ്സിലെ വിദ്യാർഥി ആയിരുന്ന ആര്യൻ രാജാണ് മരിച്ചത്. തലശേരി സ്വദേശികളായ വരക്കത്ത് ശ്രീരാജിന്റെയും പ്രിയങ്കയുടെയും മകനാണ് . നടപടിക്രമങ്ങൾക്ക് ശേഷം മൃതദേഹം നാട്ടിലേക്ക് കൊണ്ട് പോവും. വിദ്യാർത്ഥിയുടെ മരണത്തിൽ ഇന്ത്യൻ സ്‌കൂൾ പ്രിൻസിപ്പൽ ജോൺ ഡൊമിനിക് ജോർജ് അനുശോചനം അറിയിച്ചു. നിര്യാണത്തെ തുടർന്ന് ഇന്ത്യൻ സ്‌കൂൾ നിസ്‌വക്ക് ഞായറാഴ്ച അവധിയായിരിക്കുമെന്ന് അധികൃതർ അറിയിച്ചു.