സ്വാതന്ത്ര്യദിനാഘോഷം; ഇന്ത്യൻ നാവിക സേനയുടെ രണ്ട് കപ്പലുകൾ ഒമാനിലെത്തും

ഇന്ത്യയുടെ 75ാം സ്വാതന്ത്ര്യദിനാഘോഷങ്ങളോടനുബന്ധിച്ച് ഇന്ത്യൻ നാവിക സേനയുടെ രണ്ട് കപ്പലുകൾ ഒമാനിലെത്തും. ഐ.എൻ.എസ് ചെന്നൈ, ഐ.എൻ.എസ് ബെത്വ എന്നീ കപ്പലുകളാണ് ഒമാൻ-ഇന്ത്യ സൗഹൃദത്തിന്റെ സന്ദേശമറിയിച്ച് മസ്‌കത്തിലെത്തുന്നത്.

'ആസാദി കാ അമൃത് മഹോത്സവ'ത്തിന്റെ ഭാഗമായാണ് കപ്പലുകൾ എത്തുന്നത്. ആഗസ്റ്റ് 14 മുതൽ 17 വരെ കപ്പലുകൾ മസ്‌കത്തിലുണ്ടാകുമെന്ന് ഇന്ത്യൻ എംബസി അറിയിച്ചു. ആഗസ്റ്റ് 15ന് കപ്പലിൽ ദേശീയ പതാക ഉയർത്തി സ്വാതന്ത്ര്യദിനം ആഘോഷിക്കും.