ഇന്ത്യയുടെ 78-ാം സ്വാതന്ത്ര്യ ദിനം: വിപുലമായ ആഘോഷ പരിപാടികൾ സംഘടിപ്പിച്ച് ഇന്ത്യൻ സ്‌കൂൾ തുംറൈറ്റ്

ഇന്ത്യൻ സ്‌കൂൾ തുംറൈറ്റ് ഇന്ത്യയുടെ 78-ാമത് സ്വാതന്ത്ര്യ ദിനം വിപുലമായി ആഘോഷിച്ചു. സ്‌കൂൾ മാനേജ്മന്റ് കമ്മിറ്റി പ്രസിഡന്റ് റസ്സൽ മുഹമ്മദ് മുഖ്യാതിഥി ആയിരുന്നു. ട്രഷറർ ബിനു പിള്ള ഇന്ത്യൻ പ്രസിഡന്റിന്റെ സന്ദേശം വായിച്ച് കേൾപ്പിച്ചു . കൺവീനർ ഡോക്ടർ പ്രവീൺ ഹട്ടി , ഹെഡ് മിസ്ട്രസ് രേഖ പ്രശാന്ത് എന്നിവർ സംസാരിച്ചു. സ്‌കൂൾ മാനേജ്മന്റ് കമ്മിറ്റി അംഗങ്ങളായ അബ്ദുൽ സലാം , ഷജീർ ഖാൻ , പ്രസാദ് സി വിജയൻ , രാജേഷ് പട്ടൊണ എന്നിവർ സംബന്ധിച്ചു. കുട്ടികളുടെ വിവിധങ്ങളായ കലാപരിപാടികൾ നടന്നു. കുട്ടികൾ അവതരിപ്പിച്ച സ്‌കേറ്റിങ് റൈഡ് ശ്രദ്ധേയമായി. അധ്യാപകരായ സഞ്ജു ജോഷില, രേഷ്മ സിജോയ് , രജി മനു , രജി കെ രാജൻ , ഷൈനി രാജൻ , മമ്ത , സാനു ഹർഷ് , ഗായത്രി ജോഷി തുടങ്ങിയവർ നിയന്ത്രിച്ചു . സ്‌കൂൾ ഹെഡ് ഗേൾ ആൽബിന സ്വാഗതവും ആർ. ജെ ബ്രെസിഡോ നന്ദിയും പറഞ്ഞു.