പാരീസ് ഒളിമ്പിക്സിൽ ഒമാനെ പ്രതിനിധീകരിക്കുക നാല് അത്ലറ്റുകൾ
അലി അൻവർ അൽ ബലൂഷിയാണ് ലോക റാങ്കിങ്ങിന്റെ അടിസ്ഥാനത്തിൽ ഗെയിംസിന് യോഗ്യത നേടിയ ഏക ഒമാൻ കായികതാരം
![Oman Olympic Committee (OOC) has selected four athletes for the 2024 Paris Olympics. Oman Olympic Committee (OOC) has selected four athletes for the 2024 Paris Olympics.](https://www.mediaoneonline.com/h-upload/2024/07/15/1433564-oman.webp)
മസ്കത്ത്: 2024ലെ പാരീസ് ഒളിമ്പിക്സിലേക്ക് ഒമാൻ ഒളിമ്പിക് കമ്മിറ്റി (ഒഒസി) നാല് അത്ലറ്റുകളെ തിരഞ്ഞെടുത്തു. അലി അൻവർ അൽ ബലൂഷി, വനിതാ സ്പ്രിന്റർ മസൂൺ അൽ അലവി (100 മീറ്റർ), ഈസ അൽ അദാവി (നീന്തൽ), സഈദ് അൽ ഖാത്രി (ഷൂട്ടിംഗ്) എന്നിവരെയാണ് തിരഞ്ഞെടുത്തത്. അലി അൻവർ അൽ ബലൂഷിയാണ് ലോക റാങ്കിങ്ങിന്റെ അടിസ്ഥാനത്തിൽ 100 മീറ്റർ പുരുഷ വിഭാഗത്തിൽ ഗെയിംസിന് യോഗ്യത നേടിയ ഏക ഒമാൻ കായികതാരം.
ജൂലൈ 26 മുതൽ ആഗസ്റ്റ് 11 വരെയാണ് 10,500 കായികതാരങ്ങൾ പങ്കെടുക്കുന്ന പാരീസ് ഒളിമ്പിക്സ് നടക്കുക. ഏകദേശം 206 ദേശീയ ഒളിമ്പിക് കമ്മിറ്റികൾ (എൻഒസി) മത്സരിക്കാൻ സജ്ജരായിക്കുകയാണ്.
തിരഞ്ഞെടുക്കപ്പെട്ട ഒമാൻ താരങ്ങളിൽ ചിലർ മുമ്പും ഒളിമ്പിക്സിൽ പങ്കെടുത്തിട്ടുണ്ട്. റിയോ ഡി ജനീറോയിലും (2016), ടോക്കിയോയിലും (2020) പങ്കെടുത്ത മസൂണിനിത് മൂന്നാമത്തെ ഒളിമ്പിക്സാണ്. 100 മീറ്റർ ഫ്രീസ്റ്റൈൽ ഇനത്തിൽ മത്സരിക്കുന്ന അൽ അദവിക്കിത് രണ്ടാം ഒളിമ്പിക്സാണ്. മുമ്പ് ടോക്കിയോയിൽ പങ്കെടുത്തിരുന്നു.
പുരുഷന്മാരുടെ ട്രാപ്പ് ഷൂട്ടിംഗ് ഇനത്തിൽ മത്സരിക്കുന്നതിനാൽ സഈദ് അൽ ഖാത്രി സമ്മർ ഒളിമ്പിക്സിൽ ആദ്യമായി പങ്കെടുക്കുകയാണ്. അൽ ബലൂഷി ഒഴികെയുള്ള മറ്റ് മൂന്ന് പേരും എൻഒസിയുടെ സാർവത്രിക ക്വാട്ട സ്പോട്ടുകളെ അടിസ്ഥാനമാക്കിയാണ് ഒളിമ്പിക്സിൽ പങ്കെടുക്കുന്നത്. 1984ൽ ലോസ് ഏഞ്ചൽസിൽ ആദ്യ സമ്മർ ഒളിമ്പിക്സ് നടന്ന ശേഷം ഇത് 11ാം തവണയാണ് ഒമാൻ ഗെയിംസിൽ പങ്കെടുക്കുന്നത്.
Adjust Story Font
16