മികച്ച അറബ് ടൂറിസ്റ്റ് കേന്ദ്രമായി സലാലയെ തെരഞ്ഞെടുത്തു
അറബ് ടൂറിസം മീഡിയ സെന്‍റർ സലാലയിൽ സംഘടിപ്പിച്ച രണ്ടാമത് അറബ് ഫോറമാണ് പ്രഖ്യാപനം നടത്തിയത്
സലാല: ഈ വർഷത്തെ മികച്ച അറബ് ടൂറിസ്റ്റ് കേന്ദ്രമായി സലാലയെ തെരഞ്ഞെടുത്തു. അറബ് ടൂറിസം ആൻഡ് ഹെറിറ്റേജ് ഫോറമാണ് തെരഞ്ഞെടുപ്പ് നടത്തിയത്. ഖരീഫ് സീസണിനോടനുബന്ധിച്ച് അറബ് ടൂറിസം മീഡിയ സെന്‍റർ സലാലയിൽ സംഘടിപ്പിച്ച രണ്ടാമത് അറബ് ഫോറമാണ് പ്രഖ്യാപനം നടത്തിയത്. രണ്ട് ദിവസങ്ങളിലായി നടന്ന ഫോറത്തിൽ അറബ് ലോകത്തെ വിനോദസഞ്ചാര മേഖലയിലെ വിദഗ്ധർ, ഗൾഫ് രാജ്യങ്ങളിൽനിന്നുള്ള നൂറിലധികം മാധ്യമ പ്രവർത്തകർ തുടങ്ങിയവരാണ് പങ്കെടുത്തത്.
ഖരീഫ് സീസണിന്‍റെ തുടർച്ചയായി നടക്കുന്ന വികസന പ്രവർത്തനങ്ങളിലൂടെ ഗവർണറേറ്റിലേക്ക് എത്തുന്ന സഞ്ചാരികളുടെ എണ്ണം ഇരട്ടിയാക്കാനും അധികൃതർ ലക്ഷ്യമിടുന്നുണ്ട്. ഗവർണറേറ്റിൽ ഈ വർഷം മുഴുവനും ടൂറിസമായി നില നിർത്തി കൊണ്ടുപോകും. അതേ സമയം ഖരീഫ് സീസൺ തുടങ്ങിയതോടെ സലാലയിലേക്ക് വിനോദ സഞ്ചാരികളുടെ എണ്ണം കൂടിയിട്ടുണ്ട്.
Next Story
Adjust Story Font
16
