സുൽത്താൻ ഖാബൂസ് ഹോസ്പിറ്റലിൽ ഇന്നുമുതൽ മാസ്‌ക് ധരിക്കൽ നിർബന്ധം

ഒമാനിലെ സുൽത്താൻ ഖാബൂസ് ഹോസ്പിറ്റലിൽ ഇന്ന് മുതൽ മാസ്‌ക് നിർബന്ധമാണെന്ന് അധികൃതർ അറിയിച്ചു. സന്ദർശകരും ജീവനക്കാരും മാസ്‌ക് ധരിക്കണമെന്ന് കഴിഞ്ഞ ദിവസം ഹോസ്പിറ്റൽ അധികൃതർ പുറപ്പെടുവിച്ച സർക്കുലറിൽ പറയുന്നു.

കഴിഞ്ഞ കുറച്ചു ദിവസമായി കോവിഡ് രോഗികളുടെ എണ്ണത്തിൽ വർധനയുണ്ടായിട്ടുണ്ട്. ഈ പശ്ചാത്തലത്തിലാണ് രോഗവ്യാപനം തടയുന്നതിനായി മാസ്‌ക് ധരിക്കണമെന്ന് നിർദ്ദേശിച്ചിരിക്കുന്നത്.

കോവിഡ് ബാധിതരെ പർപ്പിൾ വാർഡുകളിലായിരിക്കും പ്രവേശിപ്പിക്കുക. മുൻകരുതൽ നടപടികളുടെ ഭാഗമായി ജീവനക്കാരും സന്ദർശകരും ആശുപത്രിയുടെ പ്രധാന കവാടത്തിലൂടെ പ്രവേശിക്കണമെന്നും അധികൃതർ നിർദ്ദേശിച്ചു.