ചരിത്രം കുറിച്ച് ഖത്തർ അമീര്‍ - ബൈഡന്‍ കൂടിക്കാഴ്ച

നയതന്ത്ര, വാണിജ്യ-വ്യാപാര രംഗത്ത് പുത്തന്‍ ചരിത്രം കുറിച്ചാണ് അമീര്‍ ഷെയ്ഖ് തമീം ബിന്‍ ഹമദ് അല്‍താനി അമേരിക്കന്‍ സന്ദര്‍ശനം പൂര്‍ത്തിയാക്കി മടങ്ങിയെത്തിയത്.‌ മൂന്ന് ദിവസം നീണ്ട സന്ദര്‍ശനത്തില്‍ അരനൂറ്റാണ്ട്​ നീണ്ട നയതന്ത്ര സൗഹൃദത്തിൽ ഇരു രാജ്യങ്ങളും പുതിയ അധ്യായം രചിച്ചു.

ഖത്തര്‍ സമയം തിങ്കളാഴ്ച രാത്രി 10 മണിക്കാണ് അമീറും അമേരിക്കന്‍ പ്രസിഡന്റ് ബൈഡനും കൂടിക്കാഴ്ച നടത്തിയത്. ഖത്തറിനെ ഏറ്റവും വിശ്വസ്തരായ നയതന്ത്ര പങ്കാളിയെന്ന്​ വിശേഷിപ്പിച്ച അമേരിക്കൻ പ്രസിഡന്‍റ്​, കഴിഞ്ഞ അരനൂറ്റാണ്ട്​ കാലം ഇരു രാജ്യങ്ങളും തമ്മിലെ ഉറ്റ സൗഹൃദം, വരുംകാലങ്ങളിൽ കൂടുതൽ ദൃഡമായി തന്നെ മുന്നോട്ട്​ പോവുമെന്നും വ്യക്​തമാക്കി.

അമേരിക്കയും ഖത്തറും തമ്മിലെ സുരക്ഷ വിഷയങ്ങളും ​ഗൾഫ്​ മേഖലയിലെയും, പശ്​ചിമേഷ്യയിലെയും സ്ഥിതിഗതികളും, അഫ്​ഗാനി​സ്ഥാനിലെ ഇടപെടലുകളും, വാണിജ്യ-വ്യവസായ മേഖലകളിലെ നിക്ഷേപ സഹകരണവുമെല്ലാം ചർച്ച ചെയ്തതായി ബൈഡൻ പിന്നീട്​ പറഞ്ഞു. അമേരിക്കയും ഖത്തറും തമ്മിലെ സുരക്ഷ വിഷയങ്ങളും ​ഗൾഫ്​ മേഖലയിലെയും, പശ്​ചിമേഷ്യയിലെയും സ്ഥിതിഗതികളും, അഫ്​ഗാനി​സ്ഥാനിലെ ഇടപെടലുകളും, വാണിജ്യ-വ്യവസായ മേഖലകളിലെ നിക്ഷേപ സഹകരണവുമെല്ലാം ചർച്ച ചെയ്തതായി ബൈഡൻ പിന്നീട്​ പറഞ്ഞു.

ഖത്തറും-അമേരിക്കയും തമ്മിലെ നയതന്ത്ര ബന്ധം സ്ഥാപിച്ചതിന്‍റെ 50 വർഷം എന്ന നിലയിൽ 2022 ഇരു രാജ്യങ്ങൾക്കുമിടയിൽ ഏറെ സുപ്രധാനമാണെന്ന്​ അമീര്‍ പറഞ്ഞു. മേഖലയിലെയും രാജ്യാന്തര തലത്തിലും സുരക്ഷയും സമധാനവും ഉറപ്പുവരുത്തുന്നതിനുള്ള സംയുക്​ത പരിശ്രമങ്ങൾ തുടരുമെന്ന് അദ്ദേഹം വ്യക്​തമാക്കി. അഫ്​ഗാനിൽ നിന്നും അമേരിക്കക്കാർ ഉൾപ്പെടെ ലക്ഷങ്ങളെ ഒഴിപ്പിച്ച്​ ലക്ഷ്യസ്ഥാനത്ത്​ എത്തിക്കാൻ കഴിഞ്ഞതിൽ അഭിമാനമുണ്ടെന്നും അമീർ പറഞ്ഞു. ഫലസ്തീനിലെ ജനങ്ങളുടെ അവകാശം, മേഖലയിലെ മറ്റു വിഷയങ്ങൾ എന്നിവയും പ്രസിഡന്‍റുമായി ചർച്ച ചെയ്തതായി അദ്ദേഹം പറഞ്ഞു.

അമേരിക്കയുമായി മികച്ച ബന്ധം തുടരാനാകുന്നതില്‍ സന്തോഷവും അഭിമാനവുമുണ്ടെന്നും രാജ്യാന്തര തലത്തിലെ സമാധാനസ്ഥാപനത്തിന്​ സഹകരിക്കുമെന്നും വ്യക്തമാക്കി. അമേരിക്കൻ പ്രസിഡന്‍റുമായുള്ള കൂടികാഴ്ചയും ചർച്ചയും ഫലപ്രദമായിരുന്നുവെന്നും, പ്രാദേശികയും രാജ്യാന്തര തലത്തിലുമുള്ള വിഷയങ്ങളിൽ ആശയ വിനിമയം നടത്തിയതായും അമീർ ട്വിറ്ററിൽ കുറിച്ചു.

ബൈഡൻ സ്ഥാനമേറ്റ ശേഷം അമീറിന്‍റെ ആദ്യ വൈറ്റ്​ ഹൗസ്​ സന്ദർശനമായിരുന്നു ഇത്​. പ്രസിഡന്‍റിനെ കാണും മുമ്പ്​ പ്രതിരോധ സെക്രട്ടറി ലോയ്​ഡ്​ ഓസ്റ്റിൻ, ആഭ്യന്തര സുരക്ഷാ സെക്രട്ടറി അലയാന്ദ്രോ മയോർകാസ്​, വിദേശകാര്യ സെക്രട്ടറി ആന്‍റണി ബ്ലിങ്കൻ, ​കോൺഗ്രസ്​ അംഗങ്ങൾ എന്നിവരുമായി അമീറും ഉന്നത സംഘവും കൂടികാഴ്ച നടത്തി.

News Summary : Emir of Qatar meets Biden makes history