മട്ടന്നൂർ സ്വദേശി ഖത്തറിൽ മരിച്ചു

ദോഹ: കണ്ണൂർ മട്ടന്നൂർ സ്വദേശി ഖത്തറിൽ മരിച്ചു. പനയത്താംപറമ്പ് എൽ.പി. സ്ക്കൂളിന് സമീപം പരേതനായ സി.പി.കുഞ്ഞിരാമന്‍റെയും കെ.നാരായണിയുടേയും മകൻ സുമേഷ് കാവുങ്കൽ (48) ആണ്​ കഴിഞ്ഞ ദിവസം മരിച്ചത്​. സ്വകാര്യ കമ്പനിയിൽ ഹെവിവെഹിക്ക്​ൾ ഡ്രൈവറായി ജോലിചെയ്യുകയായിരുന്ന സുമേഷ്​ മസ്തിഷ്കാഘാതത്തെ തുടർന്ന്​ പത്തു ദിവസത്തോളമായി ഹമദ്​ മെഡിക്കൽ കോർപറേഷനിൽ ചികിത്സയിലായിരുന്നു. നടപടികൾ പൂർത്തിയാക്കിയ മൃതദേഹം വെള്ളിയാഴ്ച രാത്രിയോടെ നാട്ടിലേക്ക്​ കൊണ്ടുപോയി. 17 വർഷമായി ഖത്തറിൽ ജോലിചെയ്യുകയാണ്​ ഇദ്ദേഹം.

ഭാര്യ സന്ധ്യ. മക്കൾ: ആദി ദേവ്, ആയുഷ്‌ ദേവ്‌ ഇരുവരും വിദ്യാർത്ഥികൾ (കടമ്പൂർ ഹയർ സെക്കന്‍ററി സ്കൂൾ ). സഹോദരങ്ങൾ: സജീവൻ (ഡ്രൈവർ) , സുഷമ (ഏച്ചൂർ), സജിഷ ( തലമുണ്ട), സബി രാജ് (ഗൾഫ്). സംസ്കാരം ശനിയാഴ്ച രാവിലെ ഒമ്പത്​ മണിക്ക് പയ്യാമ്പലത്ത്​ നടക്കും.