ആലുവ സ്വദേശി ഖത്തറിൽ മരിച്ചു

ദോഹ: ഹൃദയാഘാതത്തെ തുടർന്ന് ചികിത്സയിലായിരുന്ന ആലുവ സ്വദേശി ഖത്തറിൽ മരിച്ചു. പുത്തൻപുരയിൽ ഹനീഫ ശിഹാബുദ്ദീൻ (46) ആണ് മരിച്ചത്. വക്റ ഹമദ് ആശുപത്രിയിൽ ചികിത്സയിലിരിക്കുമ്പോഴായിരുന്നു മരണം. സെന്റർ ഫോർ ഇന്ത്യൻ കമ്മ്യൂണിറ്റി സജീവ പ്രവത്തകനായിരുന്നു.

ഭാര്യ: ഫാത്തിമ. മക്കൾ: അമാൻ അഫ്ലഹ് (എം.ഇ.എസ് ഇന്ത്യൻ സ്‌കൂൾ ദോഹ), മെഹ്ദി അമീൻ, ഈസ ഹംദാൻ (ഇരുവരും ശാന്തിനികേതൻ ഇന്ത്യൻ സ്‌കൂൾ). പരേതനായ പുത്തൻപുരയിൽ ഹനീഫയാണ് പിതാവ്. മാതാവ് : ഐഷ ബീവി. സഹോദരങ്ങൾ : സിറാജുദ്ദീൻ (ആലുവ), സൈലേഷ് (ദുബൈ). നടപടിക്രമങ്ങൾ പൂർത്തിയാക്കിയ ശേഷം മൃതദേഹം നാട്ടിലേക്ക് കൊണ്ടുപോകുമെന്ന് സുഹൃത്തുക്കൾ അറിയിച്ചു.