മീഡിയവൺ ഖിഫ് സൂപ്പർ കപ്പ്: ടീം രജിസ്ട്രേഷൻ പൂർത്തിയാക്കാനുള്ള തിയതി നീട്ടി

ദോഹ: മീഡിയവൺ ഖിഫ് സൂപ്പർ കപ്പ് 2024ൽ മത്സരിക്കാൻ ആഗ്രഹിക്കുന്ന ടീമുകളുടെ രെജിസ്‌ട്രേഷൻ പൂർത്തിയാക്കാനുള്ള തിയതി സെപ്റ്റംബർ 15 വരെ നീട്ടി. ഒക്ടോബർ അവസാന വാരത്തിലാണ് രണ്ട് മാസം നീണ്ടു നിൽക്കുന്ന ടൂർണമെന്റ് തുടങ്ങുക. ഖിഫിന്റെ 15 ാമത് ടൂർണമെൻാണ് ഈ വർഷം നടക്കുന്നത്.

കേരളത്തിലെ എല്ലാ ജില്ലകളിൽ നിന്നുള്ള ടീമുകളും ഈ ടൂർണമെന്റിൽ മത്സരിക്കുമെന്ന് പ്രതീക്ഷിക്കുന്നു. എന്നാൽ ഇത് വരെ നടന്ന ഖിഫ് ടൂർണമെന്റുകളിൽ നിന്നും വ്യത്യസ്തമായി ഈ ടൂർണമെന്റിൽ ഏതെങ്കിലും ജില്ലയിൽ നിന്ന് ടീമുകൾ പങ്കെടുക്കുന്നില്ലെങ്കിൽ ആ ജില്ലക്കാരായ രണ്ട് കളിക്കാരെ ടൂർണമെന്റിൽ കളിക്കുന്ന മറ്റു ജില്ലാ ടീമുകൾക്ക് തങ്ങളുടെ ടീമിൽ ഉൾപെടുത്താൻ അനുവാദം നൽകുന്നതാണെന്ന് സംഘാടകർ അറിയിച്ചു.

ജില്ലാ സംഘടനകൾക്കും ജില്ലകളിലെ അറിയപ്പെടുന്ന പ്രാദേശിക സംഘടനകൾക്കും അതത് ജില്ലകളുടെ പേരിൽ ഈ ടൂർണമെന്റിൽ കളിക്കാനായി ടീം രജിസ്റ്റർ ചെയ്യാം. ടീം രെജിസ്‌ട്രേഷന് ബന്ധപ്പെടേണ്ട നമ്പർ : 5525 2219