അഫ്​ഗാന്‍: ഖത്തർ നടത്തുന്ന ഇടപെടലിന്​ രാജ്യാന്തര സമൂഹത്തിന്‍റെ അഭിനന്ദനം

അഫ്​ഗാനിലെ രാഷ്​ട്രീയ പ്രതിസന്ധിക്ക്​ പരിഹാരം കാണാൻ ഖത്തർ നടത്തുന്ന ഇടപെടലിന്​ രാജ്യാന്തര സമൂഹത്തിന്‍റെ അഭിനന്ദനം. അഫ്​ഗാനിൽ നിന്നുള്ള അഭയാര്‍ത്ഥികള്‍ക്ക് അഭയം നല്‍കിയ ഖത്തറിനെ ഐക്യരാഷ്​ട്രസഭ റെഫ്യൂജി വിഭാഗം മേധാവി ഫിലിപോ ഗ്രാന്‍ഡി അഭിനന്ദിച്ചു. അമേരിക്കൻ വിദേശകാര്യ സെക്രട്ടറി ആന്‍റണി ബ്ലിങ്കനും, ഐക്യരാഷ്​ട്ര സഭ സെക്രട്ടറി ജനറൽ അൻറോണിയോ ഗുട്ടറസും ഖത്തർ വിദേശ കാര്യമ​ന്ത്രിയെ വിളിച്ച്​ നന്ദി അറിയിച്ചു.

I spoke tonight to @MBA_AlThani_ Deputy Prime Minister and Foreign Minister of Qatar 🇶🇦 and wish to thank him for reaffirming the support of his government to UNHCR and to humanitarian organizations, globally and in the current, volatile situation in Afghanistan.

— Filippo Grandi (@FilippoGrandi) August 18, 2021

അതെ സമയം ഇന്ത്യൻ വിദേശകാര്യ മന്ത്രി ഡോ എസ് ജയശങ്കർ അടിയന്തിര സന്ദർശനത്തിനായി ഖത്തറിലെത്തി. ഖത്തർ വിദേശകാര്യ മന്ത്രിയുമായി ജയശങ്കർ കൂടിക്കാഴ്ച്ച നടത്തി. അഫ്ഗാനിലെ പുതിയ സ്ഥിതിഗതികൾ ഇരുവരും ചർച്ച ചെയ്തു.