ജിദ്ദ വഴി എത്തിയ ആദ്യ സംഘം ഹാജിമാർക്ക് കെ.എം.സി.സി സ്വീകരണം നൽകി

മക്ക: കേന്ദ്ര ഹജജ് കമ്മിറ്റിക്ക് കീഴിൽ ജിദ്ദ വഴി മക്കയിൽ എത്തിയ ആദ്യ സംഘത്തിനാണ് കെ.എം.സി.സി മക്കയിൽ സ്വീകരണം ഒരുക്കിയത്. ആദ്യസംഘത്തിലുള്ള 644 ഹാജിമാരെ മക്ക കെ.എം.സി.സി ഹജജ് വളണ്ടിയർമാർ പഴവർഗങ്ങൾ അടങ്ങിയ കിറ്റ് നൽകിയാണ് സ്വീകരിച്ചു. രാത്രിഒരു മണിയോടെ മക്കയിലെത്തിയ ഹാജിമാരെ അസീസിയ മഹത്വത്തിൽ ബങ്കിലുള്ള ബിൽഡിംഗ് നമ്പർ 134, 091, 009, എന്നീ ബിൽഡിങ്ങുകളിലാണ് താമസ സൗകര്യം. ശ്രീനഗർ, ഗുഹാട്ടി എന്നീ സംസ്ഥാനങ്ങളിൽ നിന്നെത്തിയ ഹാജിമാരേ സ്വീകരിക്കാൻ സൗദി കെ.എം.സി.സി നാഷണൽ കമ്മിറ്റി പ്രസിഡൻറ് കുഞ്ഞിമോൻകാക്കിയ, ജനറൽസെക്രട്ടറി അശ്റഫ് വേങ്ങാട്ട്, ഹജജ്സെൽ ജനറൽ കൺവീനർ മുജീബ് പൂക്കോട്ടൂർ, മക്ക കെ എം സി സി നേതാക്കളായ മുസ്തഫ മുഞ്ഞകുളം,നാസർ കിൻസാറ, മുസ്തഫമലയിൽ, ഇസ്സുദ്ദീൻആലുങ്ങൽ, സിദ്ദീഖ്കൂട്ടിലങ്ങാടി,എന്നിവർ നേതൃത്വം നൽകി.