അന്താരാഷ്ട്ര ഡോഗ് ഷോക്ക് അടുത്ത മാസം സൗദിയിൽ തുടക്കമാകും

റിയാദ്: അന്താരാഷ്ട്ര ഡോഗ് ഷോക്ക് സൗദിയിൽ അടുത്ത മാസം തുടക്കമാകും. റിയാദ് സീസണിന്റെ ഭാഗമായി ഡിസംബർ രണ്ട് മുതൽ ഏഴ് വരെയായിരിക്കും ഷോ. സൗദി ജനറൽ എന്റർടൈൻമെന്റ് അതോറിറ്റിയുടെ നേതൃത്വത്തിലായിരിക്കും ഷോ അരങ്ങേറുക.

അഞ്ച് ചാമ്പ്യൻഷിപ്പുകളും ,വിവിധ ഷോകളും, വിനോദ പരിപാടികളും ഉൾപെടുത്തിയായിരിക്കും ഇത്തവണത്തെ ഷോ. അറേബ്യൻ പരമ്പരാഗത കാട്ടു നായകളെ ഉപയോഗിച്ചുള്ള സലൂക്കി റേസ്, നായയുടെ പ്രവർത്തന ശേഷിയും ബുദ്ധിയും പരീക്ഷിക്കുന്ന മത്സരങ്ങൾ,

അജിലിറ്റി ഷോ അഥവാ പരിശീലനത്തിലൂടെ നേടിയെടുത്ത തീരുമാനമെടുക്കാനുള്ള കഴിവ് പരീക്ഷിക്കൽ , സൗന്ദര്യ മത്സരം, വിനോദത്തിനായുള്ള നായകളുടെ വിവിധ പരിപാടികൾ എന്നിവ ഷോയുടെ ഭാഗമാകും. കഴിഞ്ഞ വർഷം 250 ലധികം നായകളാണ് മേളയിൽ പങ്കെടുത്തത്. നിരവധി രാജ്യങ്ങളിൽ നിന്നായി ഇത്തവണയും നായകളെത്തും.