ദുബൈ കസ്റ്റംസ്​ വിവരം നല്‍കി; ന്യൂസിലൻഡിൽ വന്‍ മയക്കുമരുന്ന്​ വേട്ട

ദുബൈ: വൻമയക്കുമരുന്ന്​ വേട്ടയുമായി ദുബൈ, ന്യൂസിലൻഡ്​ കസ്റ്റംസ് വിഭാഗങ്ങൾ. 70 ദശലക്ഷം ഡോളർ വിലമതിക്കുന്ന 200 കിലോഗ്രാം മയക്കുമരുന്നാണ്​ പിടികൂടിയത്​. ദുബൈ കൈമാറിയ വിവരത്തി​ന്റെ അടിസ്​ഥാനത്തിൽ ന്യൂസിലൻഡ്​ തുറമുഖത്തായിരുന്നു ഓപറേഷൻ.

ഗോതമ്പ്​മെതിയന്ത്രത്തിനുള്ളിൽ ഒളിപ്പിച്ച്​ കടത്താൻ ശ്രമിച്ച മെത്തഫെറ്റാമിൻ ഗുളികകളാണ്​ അധികൃതർ പിടികൂടിയത്​. മയക്കുമരുന്നുകടത്ത്​ സംബന്ധിച്ച വിവരം ദുബൈ പൊലീസ്​പങ്കുവെച്ചതാണ്​ കടത്ത്​ തടയാനായതെന്ന്​​ ന്യൂസിലൻഡ്​ ഉദ്യോഗസ്ഥർ പറഞ്ഞു.

ഏഷ്യൻ രാജ്യത്തുനിന്നാണ്​ മയക്കുമരുന്ന് ​എത്തിയത്​. സംഭവത്തിന്‍റെ കൂടുതൽ വിവരങ്ങൾ അധികൃതർ പുറത്തുവിട്ടിട്ടില്ല. അതേസമയം, പ്രാദേശികമായും മേഖലാതലത്തിലും രാജ്യാന്തരതലത്തിലും നടക്കുന്ന മയക്കുമരുന്നുകടത്തും മറ്റ്​ കുറ്റകൃത്യങ്ങളും തടയുന്നതിൽ ഇന്‍റലിജൻസ്​ ഡിപാർട്ട്​മെന്‍റുകൾ​ നിർണായകമായ പങ്കുവഹിക്കുന്നതായി ദുബൈ കസ്റ്റംസ്​അറിയിച്ചു.

അനധികൃത മയക്കുമരുന്ന്​ കടത്ത് ​ഫലപ്രദമായി തടയുന്നതിനും മറ്റ്​ നിയമവിരുദ്ധ നടപടികൾ ഇല്ലാതാക്കുന്നതിനും കസ്റ്റംസ്​ ഏജൻസികൾ തമ്മിലുള്ള ശക്​തമായ ബന്ധത്തിന്‍റെ പ്രാധാന്യമാണ്​ ഇത്തരം സംഭവങ്ങളിലൂടെ വ്യക്​തമാവുന്നതെന്നും ദുബൈ കസ്റ്റംസ്​ കൂട്ടിച്ചേർത്തു.

Summary: On the basis of the information provided by Dubai, 200 kilograms of drugs worth 70 million dollars were seized in the port of New Zealand.