അൽഐനിൽ കൂറ്റൻ യന്ത്രവൽകൃത ഭക്ഷണ പാക്കിങ് കേന്ദ്രം പ്രവർത്തനമാരംഭിച്ചു

അൽഐൻ: യു.എ.ഇയിലെ ഏറ്റവും വലിയ യന്ത്രവൽകൃത ഭക്ഷണ പാക്കിങ് കേന്ദ്രം അൽഐനിൽ പ്രവർത്തനമാരംഭിച്ചു. ദിവസം 325 ടൺ ഭക്ഷണവസ്തുക്കൾ പാക്ക് ചെയ്യാനുള്ള ശേഷി ഈ കേന്ദ്രത്തിനുണ്ട്. കാർഷിക, ഭക്ഷ്യമേഖലയിലെ സാങ്കേതിക സ്ഥാപനമായ സിലാലാണ് അൽഐനിൽ ഏറ്റവും വലിയ യന്ത്രവൽകൃത ഭക്ഷണ പാക്കിങ് കേന്ദ്രം തുറന്നത്.

ദിവസം 325 ടൺ ഭക്ഷണവസ്തുക്കൾ ഒരു 1,80,000 പാക്കുകളിലാക്കാൻ കേന്ദ്രത്തിന് ശേഷിയുണ്ട്. പഴം, പച്ചക്കറി തുടങ്ങിയ കാർഷിക ഉൽപന്നങ്ങൾ കേടുകൂടാതെ ഉപഭോക്താക്കളിലെത്തിക്കാൻ ഈ സംവിധാനത്തിന് കഴിയും. ഇതിന് പുറമെ ഭക്ഷ്യവസ്തുക്കൾ സൂക്ഷിക്കാൻ 28 പ്രീ കൂളിങ് ചേബംറുകൾ, ഒമ്പത് കോൾഡ് സ്റ്റോറുകൾ എന്നിവ ഇതിന്റെ ഭാഗമാണ്. യു.എ.ഇയുടെ കാർഷിക മേഖലയെയും വിപണിയേയും കൂടുതൽ വേഗത്തിൽ ബന്ധിപ്പിക്കാൻ പുതിയ സംവിധാനത്തിന് കഴിയുമെന്നാണ് വിലയിരുത്തുന്നത്.