മീഡിയവൺ സ്റ്റാർഷെഫ് മത്സരം; ഗ്രാൻഡ് ഫിനാലേ നാളെ

ദുബൈ: മീഡിയാവൺ 'റിനം ഹോൾഡിങ്, സ്റ്റാർ ഷെഫ്' grand finale of the MediaOne StarChef competition is tomorrowപാചക മത്സരത്തിന് നാളെ ഗ്രാൻഡ് ഫിനാലെ. വൈകുന്നേരം മൂന്നിന് ദുബൈ സൂഖ് അൽ മർഫയിലാണ് ഫൈനൽ പോരാട്ടം മത്സരം. മൽസരത്തിൽ 25 പാചക പ്രതിഭകളാണ് മാറ്റുരക്കുക. മത്സരവേദിയിലേക്ക് പ്രവേശനം സൗജന്യമാണ്.

നൂറുകണക്കിന് പേർ അയച്ച കുക്കിങ് വീഡിയോകളിൽ നിന്നാണ് സ്റ്റാർഷെഫ് മത്സരത്തിലേക്കുള്ള 25 പേരെ തെരഞ്ഞെടുത്തത്. പ്രമുഖ പാചകവിദഗ്ധനും സമൂഹിക മാധ്യമങ്ങളിൽ തരംഗവുമായ ഷെഫ് പിള്ളയാണ് മീഡിയാ വൺ സ്റ്റാർ ഷെഫ് മത്സരത്തിന് മേൽനോട്ടം വഹിക്കുക. വൈകീട്ട് മൂന്നിന് ആരംഭിക്കുന്ന സ്റ്റാർ ഷെഫ് മത്സരം രാത്രി എട്ടു വരെ നീണ്ടുനിൽക്കും.

മത്സരത്തിന്റെ ഭാഗമായി സൂഖ് അൽ മർഫയിൽ ഷെഫ് തിയറ്റർ എന്ന പ്രത്യേക സംവാദ പരിപാടിയും അരങ്ങേറും. ഷെഫ് പിള്ളയാണ് ഇതിന് നേതൃത്വം വഹിക്കുക. 'ഭക്ഷ്യവിപണന രംഗത്ത് എങ്ങനെ സംരംഭകരാകാം' എന്ന വിഷയത്തിലാണ് സംവാദം. സ്ത്രീകൾ ഉൾപ്പെടെ നൂറുകണക്കിനാളുകളാണ് ഷെഫ് തിയറ്ററിൽ പങ്കെടുക്കാൻ ഇതിനകം പേര് രജിസ്റ്റർ ചെയ്തിരിക്കുന്നത്. റിനം ഹോൾഡിങ്‌സാണ് സ്റ്റാർ ഷെഫ് മത്സരത്തിൻെ മുഖ്യ പ്രായോജകർ.

grand finale of the MediaOne StarChef competition is tomorrow